चार दिनपछि खुल्यो पासाङल्हामु राजमार्ग

साउन १८, २०७५ शुक्रबार १८:५८:२४ | नवदीप अजनबी

नुवाकोट – पासाङल्हामु राजमार्गअन्तर्गत नुवाकोटको विदुर नपा–१०, तिरतिरेको भीरमा गएको पहिरो हटाएपछि चार दिनदेखि बन्द सडक शुक्रबार साँझबाट सञ्चालन आएको छ ।

गएको मंगलबार बिहान पहिरो गएपछि सडक बन्द भएको थियो । पहिरोको कारण रसुवा र काठमाडौंबीचको सडक यात्रा रोकिँदा सयौं यात्रुहरुले सास्ती झेल्नु परेको थियो ।

सडक सञ्चालनमा आए पनि पहिरो झर्न सक्ने जोखिम अझै रहेकोले होसियारीपूर्वक सवारी सञ्चालन गराउन जिल्ला प्रहरी प्रमुख एसपी वसन्तबहादुर कुँवरले आग्रह गर्नु भएको छ ।

सडक खुलेपछि पहिरोको कारण रोकिएका सयौं सवारीसाधनहरु गन्तव्यतर्फ लागेका छन् । वैकल्पिक सडक त्रिशूली–तुप्चे–मनकामना–पैरेवेसी सडकको मनकामनामा पहिरोका कारण सडक अवरुद्ध भएकोले कारण वैकल्पिक सडक समेत सञ्चालन नुहँदा सयौं सवारी साधनहरु नुवाकोटमा रोकिएको थिए ।

तिरतिरेको पहिरोका कारण विदुर नपा–१०, गैरीखर्कका ५० घर जोखिममा परेकोले बस्ती जोगाउन पहिरोलाई दीर्घकालीन रुपमा रोक्ने उपाय वडाअध्यक्ष गणेशकुमार नेपालले बताउनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवदीप अजनबी

नुवाकोटका पत्रकार नवदीप अजनबी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्