हावाबाट कोरोना फैलिने प्रमाण भेटिएको ३२ देशका २३९ वैज्ञानिकको दाबी, डब्ल्यूएचओ भन्छ, ‘पर्याप्त छैन’

असार २२, २०७७ सोमबार १६:१३:४६ | एजेन्सी

काठमाण्डौ – हावाबाट पनि कोरोना भाइरस सर्न सक्ने भन्दै केही वैज्ञानिकहरुले विश्व स्वास्थ्य सङ्गठनलाई कोरोना भाइरसम्बन्धी निर्देशिका संशोधन गर्न आग्रह गरेका छन् ।

हावाको सानो कणमा रहेका कोरोना भाइरसबाट पनि मानिस सङ्क्रमित हुन सक्ने भन्दै केही वैज्ञानिकले डब्ल्यूएचओलाई कोभिड–१९ सम्बन्धी निर्देशिका संशोधित गर्न माग गरेको विवरण न्युयोर्क टाइम्समा प्रकाशित छ ।

खबरका अनुसार शोधकर्ताहरुले डब्ल्यूएचओलाई एक खुला पत्र लेख्दै यस्तो आग्रह गरेका हुन् । त्यो पत्रलाई आउँदो हप्ता कुनै साइन्स जर्नलमा प्रकाशित गर्ने योजना छ । यसमा ३२ देशका दुई सय ३९ वैज्ञानिकले यो दाबीसँग जोडिएका प्रमाण दिने न्युयोर्क टाइम्समा उल्लेख छ ।

विश्व स्वास्थ्य सङ्गठनका अनुसार कोरोना भाइरस सङ्क्रमित व्यक्तिले खोक्दा, हाच्छिउँ गर्दा नाक र मुखबाट निस्कने छिटाबाट अर्काे व्यक्तिमा सर्छ । पाँच माइक्रोनभन्दा साना छिटा बनेको अवस्थामा हावाको माध्यमबाट पनि कोरोना भाइरस सर्न मद्दत पुग्न सक्ने उसले जनाएको छ ।

वैज्ञानिकहरुले भने हाच्छिउँ गर्दा निस्किने छिटा हावामा टाढासम्म फैलिन सक्ने भएकोले कोरोना सङ्क्रमण हुन सक्ने दाबी गरेको न्युयोर्क टाइम्स भनिएको छ ।

यद्यपि विश्व स्वास्थ्य सङ्गठनले भने वैज्ञानिकहरुले दिएको प्रमाणले त्यो दाबी पुष्टि नहुने बताएको छ ।

डब्ल्यूएचओका डाक्टर बेनेडेटा अलेङ्ग्रान्जीले न्युयोर्क टाइम्ससँग भने, ‘कोरोना भाइरस हावाको माध्यमबाट फैलिन सक्नेबारेमा हामीले पछिल्लो दुई महिनादेखि विचार गर्दै आइरहेका छौँ तर यो पुष्टि गर्न कुनै ठोस प्रमाण भेटिएको छैन ।’

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्