समुदायस्तरमा कोरोना फैलिएको आशङ्कामा परीक्षण तीव्र

 असार २२, २०७७ सोमबार १६:४६:१४ | उज्यालो सहकर्मी
unn.prixa.net

काठमाण्डाै – स्वास्थ्य तथा जनसङ्ख्या मन्त्रालयले काठमाण्डौको समुदायमा कोरोना फैलिएको आशङ्कामा परीक्षण बढाएको जनाएको छ ।

काठमाण्डौमा समुदायस्तरमै कोरोना फैलिएको शङ्का बढेपछि तीनकुने र नख्खुडोलका दुई सय २८ जनाको कोरोना परीक्षण गरिएको तर सबैको कोरोना रिपोर्ट नेगेटिभ आएको मन्त्रालयको प्रवक्ता डाक्टर जागेश्वर गौतमले जानकारी दिनुभयो ।

मन्त्रालयले १० ठाउँका नागरिकको नमुना लिएर परीक्षण भइरहेको जनाएको छ । 

मन्त्रालयका अनुसार काठमाण्डाै उपत्यकाका तीन जिल्लामा सोमबार ५४ जनामा काेराेना सङ्क्रमण पुष्टि भएकाे छ । आज काठमाण्डाैमा २४, ललितपुरमा २० र भक्तपुरमा १० जना सङ्क्रमित भेटिएका हुन् । 

अन्तिम अपडेट: असार २५, २०७७

तपाईको प्रतिक्रिया