पाँच जिल्ला कोरोनामुक्त, पाँच सयभन्दा धेरै सङ्क्रमित भेटिएका जिल्लाकाे सङ्ख्या ६

 असार २४, २०७७ बुधबार १६:४४:४३ | उज्यालो सहकर्मी
unn.prixa.net

काठमाण्डाै – सरकारले पाँच वटा जिल्लामा कोरोना सङ्क्रमित नरहेको जनाएको छ । स्वास्थ्य तथा जनसङ्ख्या मन्त्रालयका अनुसार भोजपुर, सोलुखुम्बु, धनकुटा, मुस्ताङ र हुम्लामा एक जना पनि सक्रिय सङ्क्रमित छैनन् ।

यी जिल्लामा यसअघि सङ्क्रमित भेटिए पनि सङ्क्रमण पुष्टि भएका सबै निको भएर डिस्चार्ज भएकाे मन्त्रालयले जनाएको छ ।

यस्तै ६ जिल्लामा पाँच सयभन्दा धेरैका दरले सङ्क्रमित रहेका छन् । महोत्तरी, रौतहट, पाल्पा, अछाम, कैलाली र बाजुरामा पाँच सयभन्दा धेरैका दरले सङ्क्रमित रहेका छन् ।

यसैबीच सरकारले पालिकाबाट शुल्क लिने स्वास्थ्य विज्ञान प्रतिष्ठानलाई कारबाहीको चेतावनी दिएको छ । केही स्वास्थ्य विज्ञान प्रतिष्ठानले कोरोना परीक्षण गरेबापत शुल्क लिइरहेको खबर आएकोले त्यसतर्फ सरकारको ध्यानाकर्षण भएको मन्त्रालयले जनाएको छ ।

सरकारले प्रयोगशालाको सम्पूर्ण परीक्षण खर्च व्यहोर्ने भएकाेले पालिकाबाट पैसा नउठान आग्रह गरेको हो ।  

अन्तिम अपडेट: चैत १५, २०८०

तपाईको प्रतिक्रिया