सार्वजनिक गाडीमा स्वास्थ्य मापदण्डको पालना भएन, ट्राफिक प्रहरीले अनुगमन गर्ने

साउन ८, २०७७ बिहीबार १०:१२:४१ | उज्यालो सहकर्मी

काठमाण्डौ - सरकारले तोकेको स्वास्थ्य मापदण्ड कतिपय सार्वजनिक गाडीका चालक र सहचालकले नमानेका यात्रुले गुनासो गरेका छन् ।

सरकारले ५० प्रतिशतसम्म बढी भाडा लिन मिल्ने भने पनि उनीहरुले यसअघि लिँदै आएको भाडामा दोब्बर लिने गरेका, भौतिक दूरी कायम नगरेका र यात्रु उभ्याएर पनि राखेका गुनासो गरेका हुन् ।

यी गुनासा नआउन भन्नका लागि अनुगमन थालिएको महानगरीय ट्राफिक प्रहरी महाशाखाले जनाएको छ । लकडाउन खुलेसँगै ट्राफिक प्रहरीले ट्राफिक नियम पालनामा कडाइ गरेको छ । झण्डै चार महिनाको लकडाउन हटेपछि उपत्यकाको सडकमा निजी तथा सार्वजनिक गाडीको चाप बढेको छ।

चाप बढेसँगै महानगरीय ट्राफिक प्रहरी महाशाखाले ट्राफिक नियम पालनामा कडाइ गर्न थालेको हो । लकडाउन अन्त्य भए पनि कोभिड-१९ को जोखिम कायमै रहेकाले आम सडक प्रयोगकर्तालाई स्वास्थ्य मापदण्ड पालना गराउन र ट्राफिक नियम कार्यान्वयन गराउन ट्राफिक प्रहरीको विशेष टोली परिचालन गरिएको महाशाखाले जनाएको छ ।

टोलीले सार्वजनिक गाडीमा व्यक्तिगत दूरी कायम गरे/नगरेको, चालक र यात्रुले मास्क लगाए/नलगाएको, तोकिएको भाडादर लिए/ नलिएको, ५० प्रतिशत मात्र यात्रु राखे/नराखेको अनुगमन गर्ने महाशाखाका प्रमुख प्रहरी वरिष्ठ उपरीक्षक भीमप्रसाद ढकालले बताउनुभयो ।

उहाँकाअनुसार उपत्यकाका २९ ठाउँमा जाँच चौकी स्थापना गर्नुका साथै बसपार्क, बस बिसौनी र विशेष गरी गुडिरहेको सार्वजनिक गाडीको अनुगमन गरिनेछ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Chandra pun
July 23, 2020, 11:46 a.m.
हाम्रो देशमा लाटा सोझा ग़रीबहरूलाई लूटने दुःख दिने हैरान गर्ने कार्य सबै मिलेर गरिरहेका छन / यातायातमा त झनै लूट मच्चिएको सबैमा जानकारी भए पनि प्रहरी प्रशासन जस्ता अघिका नेताहरू मौन बस्दा हाम्रो देसको नागरिकले के सोचें होलन भन्ने थाह छैन / अब यही हो मौका लुटन सके लुट भनी सरकारले छोड्डेक़ो ज़स्तो हामीलाई लाग्छ, के सरकारले यातायात संग साँठगाँठ गरेकै हो त ? यदि होईन भने क़ानून किन कार्यान्वयन हुन सकदैन ? आख़िर नागरिकले कहिले सम्म दोब्बर तेब्बर भाड़ा तिर्ने ? यता तिर पनि ध्यान दिनु पर्यो /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सार्वजनिक गाडीमा स्वास्थ्य मापदण्डको पालना भएन, ट्राफिक प्रहरीले अनुगमन गर्ने

1 Comments

Chandra pun

तपाईको प्रतिक्रिया

तपाईको प्रतिक्रिया