इजरायलले विवादास्पद कोरोना भाइरस कानुन पारित गर्‍याे

साउन ८, २०७७ बिहीबार १३:४७:२६ | एजेन्सी

काठमाण्डौ - इजरायलले एन नयाँ विवादास्पद कानुन पारित गरेको छ । यो कानुनले सरकारलाई कोरोना भाइरससँग जोडिएका यस्तो प्रतिबन्ध लागू गर्ने अधिकार दिन्छ, जसमा संसद्का सीमित हस्तक्षेप हुनेछ ।

इजरायलको नयाँ ‘ग्राण्ड कोरोना ल’ अनुसार क्याबिनेटले आवश्यक ठानेको विषयमा लकडाउन जस्तो प्रतिबन्ध लागू गर्ने अधिकार प्राप्त गर्छ । यद्यपि क्याबिनेटले लगाएको प्रतिबन्धको समीक्षा गर्ने अधिकार संसद्ले २४ घण्टापछि मात्र पाउनेछ ।

यो नयाँ कानुनले लोकतन्त्र कमजोर हुने भन्दै इजरायलका विपक्षी नेताले आलोचना गरिरहेका छन् । तर सरकारले भने कोरोना सङ्कटको सामना गर्न आफ्नो अधिकारलाई नयाँ ढङ्गबाट प्रयोग गर्नुपर्ने बताएको छ ।

पछिल्ला केही हप्तामा इजरायलमा दिनहुँ एक हजारभन्दा धेरैमा कोरोना सङ्क्रमण पुष्टि भइरहेको छ । जसका कारण इजरायलमा बेरोजगारी पनि बढिरहेको छ ।

देशको खस्कँदो अर्थव्यवस्था सम्हाल्न नसकेको र अन्तिम समयमा प्रतिबन्ध लगाउने निर्णय गरेको भन्दै नागरिकहरु असन्तुष्ट भएका छन् । हजारौँका सङ्ख्या नागरिकहरु विरोध प्रदर्शनमा उत्रिएका छन् र केही नागरिक प्रधानमन्त्री बेन्जामिन नेतान्याहुको राजीनामाको माग गरिरहेका छन् ।

इजरायलमा अहिलेसम्म ५६ हजारभन्दा धेरैमा कोरोना भाइरस सङ्क्रमणको पुष्टि भएकोमा चार सय ३० जनाको ज्यान गइसकेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्