ब्राजिलका राष्ट्रपति बोलसोनारोको कोरोना परीक्षण रिपोर्ट नेगेटिभ

साउन ११, २०७७ आइतबार ९:२७:१८ | एजेन्सी

काठमाण्डौ - ब्राजिलका राष्ट्रपति जायर बोलसोनारोले आफ्नो कोरोना परीक्षण रिपोर्ट नेगेटिभ आएको बताउनुभएको छ ।

६५ वर्षका बोलसोनारोले गएको असार २३ गते आफू कोरोना भाइरस सङ्क्रमित भएको बताउनु भएकोमा फेरि आफ्नो कोरोना रिपोर्ट नेगेटिभ आएको बताउनुभएको समाचार एजेन्सी अल जजिराले जनाएको छ ।

उहाँको कोरोना परीक्षणका लागि नमुना कहिले सङ्कलन भएको र कहिले रिपोर्ट आयो भन्नेबारे भने उहाँले जानकारी दिनुभएको छैन । कोरोनाको उपचारको लागि उहाँले हाइड्रोक्सिक्लोरोक्विन औषधि सेवन गरेको भिडियो सामाजिक सञ्जालमा सेयर गर्नुभएको थियो ।

मलेरियाका बिरामीलाई दिइने यो औषधिले कोरोनाका बिरामी निको हुने वैज्ञानिक रुपमा पुष्टि भइसकेको छैन । बोलसोनारोले कोरोना महामारीलाई पटक-पटक सामान्य रुपमा मात्रै लिएको अभिव्यक्ति दिँदै आउनुभएको छ ।

उहाँले कोरोना भाइरसको सङ्क्रमणलाई सामान्य ज्वरोको पनि संज्ञा दिनुभएको थियो । कोरोना सङ्क्रमणका हिसाबले ब्राजिल पनि निक्कै सङ्क्रमित देश हो । ब्राजिलमा गएको मार्चमा पहिलो सङ्क्रमण पुष्टि भएको थियो ।

त्यसपछि भने लगातार सङ्क्रमण बढिरहेकाे छ । कोरोना सङ्क्रमण फैलिए पनि राष्ट्रपति बोलसोनारोले राजनीतिक सभा सम्मेलनमा सहभागी हुनुभएको थियो । त्यो पनि कहिले गलत तरिकाले मास्क लगाएर त कहिले मास्क नै नलगाई सभा सम्मेलनमा सहभागी भएको भन्दै उहाँको आलोचना हुने गरेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्