भारतमा एकैदिन ६४ हजारभन्दा धेरैमा काेराेना सङ्क्रमण

साउन २५, २०७७ आइतबार १४:२९:३४ | एजेन्सी

काठमाण्डौ – पछिल्लो कही हप्तायता सङ्क्रमितको सङ्ख्या लगातार बढिरहेको भारतमा पछिल्लो २४ घण्टामा ६४ हजारभन्दा धेरैमा कोरोना भाइरसको सङ्क्रमण पुष्टि भएको छ ।

भारतीय स्वास्थ्य मन्त्रालयका अनुसार पछिल्लो २४ घण्टामा ६४ हजार तीन सय ९९ सङ्क्रमण पुष्टि हुँदा आठ सय ६१ जनाको मृत्यु भएको छ ।

अब भारतमा कोरोना सङ्क्रमितको कुल सङ्ख्या २१ लाख ५३ हजार नाघेको छ, यसमध्ये ६ लाख २८ हजार सात सयभन्दा धेरै सक्रिय सङ्क्रमित रहेका छन् । त्यस्तै मृतकको कुल सङ्ख्या ४३ हजार तीन सय ७९ पुगेको छ । मन्त्रालयका अनसार यो सङ्ख्या कुल सङ्क्रमितको २९ दशमलव २ प्रतिशत हो ।

कोरोना सङ्क्रमणको कारण भारतको कर्नाटक, उत्तर प्रदेश र महाराष्ट्र राज्य सबैभन्दा धेरै प्रभावित भएको छ । भारतीय मन्त्रालयका अनुसार पछिल्लो २४ घण्टामा थपिएका सङ्क्रमतिमध्ये दुई हजार ७९ जना कर्नाटकका छन् ।

त्यस्तै उत्तर प्रदेशमा एक हजार ६ सय १४, महाराष्ट्रमा एक हजार चार सय ६६, पश्चिम बङ्गालमा आठ सय ३४ र आन्ध्र प्रदेशमा आठ सय ३२ जनामा सङ्क्रमण पुष्टि भएको छ ।

कोरोना सङ्क्रमण दर बढिरहेको भए पनि निको हुनेको दर पनि तीव्र गतिमा बढिरहेको भारतको स्वास्थ्य मन्त्रालयले जनाएको छ । मन्त्रालयले आइतबार बिहान जारी गरेको तथ्याङ्कअनुसार अहिलेसम्म सङ्क्रमितमध्ये ६९ प्रतिशत अर्थात् १४ लाख ८० हजार आठ सयभन्दा धेरै निको भएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्