टिप्परको ठक्करबाट एक जनाको ज्यान गएपछि हेटौंडा तनावग्रस्त

साउन २१, २०७५ सोमबार १७:५६:१२ | हरि हुमागाईं

मकवानपुर – टिप्परको ठक्करबाट एक जनाको ज्यान गएपछि हेटौंडा उपमहानगरपालिका–१७ गैरीगाउँ निकैबर तनावग्रस्त भएको छ ।

गैरीगाउँमा ना ७ ख ७३२३ नम्बरको टिप्परले ठक्कर दिँदा स्थानीय २६ वर्षका टंक न्यौपानेको मृत्यु भएको थियो । न्यौपानेको चुरेहिल अस्पतालमा उपचारको क्रममा मृत्यु भएको थियो ।

मृतकका आफन्त र गाउँलेहरुले क्षतिपूर्तिको माग गर्दै कान्ति लोकपथ बन्द गरेपछि प्रहरी र स्थानीयबीच झडप भएको थियो । प्रहरीले १० राउण्ड अश्रुग्यास पनि हानेको थियो । झडपका क्रममा स्थानीय र प्रहरी गरी आधा दर्जन घाइते भएका छन् । सडक बन्द गर्ने र ठक्कर दिने टिप्परललाई हेटौंडा ल्याउन खोज्दा झडप भएको जिल्ला प्रहरी कार्यालयले जनाएकाे छ ।

प्रहरी, प्रशासनले मृतक परिवारलाई आज बिहान वार्तामा बोलाए पनि दिउँसोसम्म वार्ता हुन सकेको छैन । मृतक परिवारलाई बेवास्ता गर्दै प्रहरीले पहिला ज्यान लिने टिप्परको सुरक्षामा लागेको स्थानीयले आरोप लगाएका छन् ।

टिप्पर ल्याउनु अघि वार्ता गरेर मृतक परिवारको कुरा सुन्न प्रहरी प्रशासनलाई आग्रह गर्दा बेवास्ता गर्दै टिप्पर हेटौंडा ल्याउन खोजेपछि झडप समेत भएको हो । व्यापक प्रहरी परिचालन गरेर टिप्पर हेटौंडा ल्याइँदै छ ।

मृतक न्यौपानेको शव परिवारले अहिलेसम्म जिम्मा लिएको छैन । मृतक परिवारले चालकलाई कारबाही र वार्तामार्फत् घटनाको समाधान नभएसम्म शव जिम्मा नलिने बताएका छन् । घटनाको विरोधमा स्थानीयले गैरीगाउँको विभिन्न स्थानमा बाटो बन्द गरेका छन् ।

हेटौंडाबाट गैरीगाउँतर्फ गैरहेको बा ४२ प ७०७० नम्बरको मोटरसाइकललाई टिप्परले ठक्कर दिएको थियो । मोटरसाइकलको पछाडि बसेकी गीता न्यौपानेको भने भरतपुरमा उपचार भइरहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्