बेलायत : फ्रान्सबाट आउनेले १४ दिनसम्म क्वरेण्टीनमा बस्नुपर्ने

साउन ३०, २०७७ शुक्रबार १५:१७:२ | एजेन्सी

काठमाण्डौ – फ्रान्स र नेदरल्याण्ड्सबाट बेलायत आउने व्यक्तिहरुलाई १४ दिनको क्वरेण्टीनमा राखिने भएको छ ।

बेलायतका यातायात मन्त्री ग्रान्ट शाप्सले मोनाको र मालटाबाट आउने व्यक्तिमा पनि यो नियम लागू हुने बताउनुभएको छ । उहाँका अनुसार शनिबार बिहान ४ बजेदेखि यो नियम लागू हुनेछ ।

मन्त्री शाप्सका अनुसार कोरोनाको सङ्क्रमणदर कम गर्नको लागि यो गर्नु जरुरी थियो ।

युरोपको कैयौँ देशमा पछिल्ला केही दिनयता कोरोना सङ्क्रमणदर बढिरहेको छ । यही कारण बेलायत सरकारले यस्तो घोषणा गरेको हो ।

स्पेनबाट आउने व्यक्तिमा पनि २५ जुलाईदेखि क्वरेण्टीन नियम लागू गरिएको थियो ।

बिहीबार फ्रान्समा दुई हजा पाँच सय २४ जनामा कोरोनाको सङ्क्रमण पुष्टि भएको थियो, मे महिनामा लकडाउन गरिएपछि एकैदिन सबैभन्दा धेरैमा सङ्क्रमण पुष्टि भएको हो ।

फ्रान्सका प्रधानमन्त्री जिन क्यासटेक्सले मङ्गलबार भनेका थिए, काेराेना सङ्क्रमणकाे सङ्ख्या पछिल्लाे दुई हप्तायता गलत दिशामा गइरहेकाे छ ।

बिहीबार बेलायतका प्रधानमन्त्री बाेरिस जाेनसनले विदेशमा बिदा मनाएर आउनेका लागि निकै कडा नियम बनाइने बताउनुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्