राताे मच्छिन्द्रनाथलाई बुङमती पुर्‍याइँदै

भदौ २९, २०७७ सोमबार १७:१५:१० | उज्यालो सहकर्मी

ललितपुर – ललितपुरको पुल्चोकमा रहेको रातो मच्छिन्द्रनाथलाई बुङमती पुर्‍याइँदैछ । कोरोना भाइरस सङ्क्रमणको जोखिमका कारण यसपालि रथलाई तानिएको छैन ।

यसअघि गएकाे भदाै १८ गते रथ यात्राका क्रममा पुल्चोकमा स्थानीय युवा र प्रहरीबीच झडप भएपछि क्षमा पूजा गरेर साङ्केतिक रुपमा रथ तानिएको थियो ।

रातो मछिन्द्रनाथलाई बुङमती पुर्‍याउन ज्योतिषीले साेमबारकाे लागि शुभसाइत जुराएकाले राताे मच्छिन्द्रनाथलाई बुङमती पुर्‍याउन लागिएको हो ।

बुङमती पुर्‍याएकाे चार दिनमा विशेष पूजाआजा गरी जात्रा सक्ने तयारी छ । कोरोनाकै कारण यसपालि नरिवल खसाल्ने र भोटो देखाउने जात्रा स्थगित गरिएको छ ।

अन्तिम अपडेट: बैशाख १३, २०८१