कोरोनाका कारण विदेशी उपकरण र प्राविधिक नेपाल आउन पाएनन्

विदेशी लगानीमा निर्माण हुने सडकको काम ठप्प

 भदौ ३१, २०७७ बुधबार १४:४४:३१ | उज्यालो सहकर्मी
unn.prixa.net

काठमाण्डाै – नेपालमा वैदेशिक सहयोगबाट बनिरहेका सबैजसो सडकको काम कोरोना भाइरसको महामारीका कारण ठप्प रहेको छ ।

नागढुङ्गा–सिस्नेखोला सुरुङमार्ग बाहेकका अरु आयोजनामा काम अघि बढेको छैन । कोरोनाकै कारण निर्माणाधीन योजनासँगै निर्माण सुरु गर्ने भनिएका आयोजनाकाे समेत तत्काल काम हुने अवस्था छैन ।

नारायणगढ–बुटवल, बुटवल–पोखरा सडक विस्तार, नागढुङ्गा–मुग्लिन सडक र त्रिशूली पारिपट्टि बनाइँदै गरेको सडक, गल्छी–त्रिशूली– मैलुङ–स्याफ्रुबेँसी सडकलगायतका आयोजनामा कोरोनाको प्रभाव देखिएको छ ।

कोरोनाका कारण विदेशी उपकरण र जनशक्ति नेपाल आउन पाएका छैनन् । कतिपय आयोजनामा निर्माण ठप्प र कतिपय निकै सुस्त गतीमा काम भइरहेको सडक विभागका सहायता समन्वय महाशाखाका प्रमुख अर्जुनजंग थापाले बताउनुभयो ।

काठमाण्डौको कलङ्कीदेखि चावहिलसम्मको सडक विस्तारको लागि चिनियाँ टोली पनि आइसकेको छैन । जापान अन्तर्राष्ट्रिय सहयोग नियोग जाइकाले जडीबुटी र नयाँ बानेश्वर चोकमा फ्लाई ओभर निर्माण गर्ने गरी छलफल भए पनि कोरोनाकाे कारण देखाएर जापानी टोली आएको छैन ।   

अन्तिम अपडेट: फागुन ३०, २०८०

तपाईको प्रतिक्रिया