चल्न थाले विद्युतीय मिनी बस

 असोज २, २०७७ शुक्रबार १२:२४:५ | उज्यालो सहकर्मी
unn.prixa.net

काठमाण्डाै - नेपालमा लामो दूरीका विद्युतीय मिनी बस चल्न थालेका छन् । 

श्री भवलक्ष्मी इन्भेस्टमेन्ट कम्पनी प्रालिले पहिलोपटक काठमाण्डौबाट रामेछापको सदरमुकाम मन्थलीसम्म विद्युतीय मिनी बस सञ्चालनमा ल्याएको हो । 

कोटेश्वरबाट आज दुई वटा मिनी बस मन्थलीका लागि छुटेका छन् । २० सीट क्षमताका यी मिनी बस एनबी ग्रीनटेक इन्टरनेशनल प्रालिले चीनबाट नेपाल ल्याएको हो ।

कम्पनीका प्रबन्ध निर्देशक नेमकृष्ण मानन्धरका अनुसार मिनी बसमा ८६ किलोवाट घण्टा लिथियम ब्याट्री, पिकपावर ११० किलोवाटको  इलेक्ट्रिक मोटर, एयर कण्डिशनर, मोबाइल चार्जर, एयरब्यागका साथै आरामदायी फोल्डिङ सिट छन् ।

गाडीको अधिकतम गति ११० किलोमिटर प्रतिघण्टा रहेको उहाँले जानकारी दिनुभयो । बस सञ्चालक कम्पनी भवलक्ष्मीका निर्देशक ऋतुप्रसाद चौलागाईँले यस्ता किसिमका बिजुली बसले वातावरण संरक्षणमा योगदान गर्नुको साथै आफ्नै देशमा उत्पादित बिजुलीको खपत भएर आयातित इन्धनको समेत प्रतिस्थापन हुने बताउनुभयो  ।
 

अन्तिम अपडेट: फागुन ३०, २०८०

तपाईको प्रतिक्रिया