'जागेश्वर गौतमलाई प्रेस बिफ्रिङमा बाहेक अरु बेला मास्क विना देख्नुहुन्न'

 असोज २, २०७७ शुक्रबार १८:५३:४३ | उज्यालो सहकर्मी
unn.prixa.net

काठमाण्डाै – स्वास्थ्य तथा जनसङ्ख्या मन्त्रालयका प्रवक्ता डाक्टर जागेश्वर गौतमले आफूले जुनसुकै बेला मास्क लगाउने गरेको बताउनुभएको छ ।

मन्त्रालयको नियमित प्रेस ब्रिफिङकाे समयमा  मास्क नलगाएको भनी प्रतिक्रिया आएको भन्दै डा. गौतमले प्रेस ब्रिफिङ बाहेकको समयमा आफूलाई कसैले पनि मास्क विना नभेट्ने बताउनुभयो ।

प्रेस ब्रिफिङका लागि भएको संरचना सुरक्षित रहेको र यस बाहेक आफूले नियमित मास्क लगाउने, दुरी कायम गर्ने र हात धुने गरेकै कारण चार पटक नजिकको कन्ट्याक्ट ट्रेसिङमा पर्दा पनि आफूलाई कोरोना भाइरसकाे सङ्क्रमण नभएको उहाँले दाबी गर्नुभयो । 

दुरी कायम, मास्कको प्रयोग र बेलाबेलामा हात धुने गर्दा मात्रै पनि कोरोनाको सङ्क्रमणबाट जोगिन सकिने भएकोले स्वास्थ्यमा मापदण्ड अपनाएर आफ्ना पेसा व्यवसाय सञ्चालन गर्न प्रवक्ता गाैतमले आग्रह गर्नुभएकाे छ । 

उहाँले कोरोना केही पनि होइन भन्ने सोचेर जथाभाबी नगर्न आग्रह गर्दै आफूलाई सङ्क्रमण हुनबाट जोगाउनु नै सबैभन्दा बुद्धिमानी हुने बताउनुभयो ।  

अन्तिम अपडेट: असोज ५, २०७७

तपाईको प्रतिक्रिया