पाकिस्तानमा भारी वर्षाका कारण ज्यान गुमाउनेको सङ्ख्या ८७ पुग्यो
बैशाख ८, २०८१ शनिबार
सप्तरी – सप्तरीकाे कञ्चनपुर गाविसका पूर्व उपाध्यक्ष एवम् नेता रामभरोसी गुप्ताको निधन भएको छ ।
सप्तरी जिल्ला क्षेत्र नम्बर १ बाट नेपाली कांग्रेसका महाधिवेशन प्रतिनिधि तथा कञ्चनपुर रौनियार समितिका अध्यक्षसमेत रहनुभएका गुप्ताको ६५ वर्षको उमेरमा विराटनगरमा रहेको विराट नरसिंह होममा उपचारका क्रममा मङ्गलबार राति ११ बजे निधन भएको हो ।
गुप्ता मधुमेह, मुटु राेग, निमोनिया र किड्नीसम्बन्धी रोगको उपचार गराउँदै आउनुभएको थियो । गुप्ता २०३६ सालदेखि नेपाली कांग्रेसमा क्रियाशील भइ आफ्नो राजनैतिक यात्रालाई अगाडि बढाइ सङ्गठनलाई मजबुत बनाउँदै उपाध्यक्षसमेत बन्न सफल हुनुभएकाे थियाे ।
नेपाली कांग्रेस जिल्ला कार्य समिति सप्तरीका सचिव रामकुमार यादव र नेपाली कांग्रेसका क्षेत्रीय सभापति ललनप्रसाद गुप्ताले शोक वक्तव्य जारी गर्दै गुप्ताको निधन भएको खबरले पार्टीलाई क्षति भएको बताउनुभयो ।