'रअ' प्रमुखलाई मैले भेटेको छैन : माधवकुमार नेपाल

कात्तिक ६, २०७७ बिहीबार १३:४२:५० | उज्यालो सहकर्मी

काठमाण्डाै – पूर्वप्रधानमन्त्री नेपाल कम्युनिस्ट पार्टी (नेकपा) का वरिष्ठ नेता माधवकुमार नेपालले आफूले भारतीय गुप्तचर संस्था (रअ) का प्रमुखसँग भेट नभएको बताउनुभएको छ ।

बिहीबार दिउँसो सामाजिक सञ्जाल ट्विटर नेता नेपालले यसबारेमा प्रष्ट पार्नुभएको छ । कतिपय सञ्चारमाध्यममा माधवकुमार नेपाल र रअका प्रमुखबीच भेट भएको भनी आएका खबरमा सत्यता नभएको उहाँले बताउनुभएको हो ।

उहाँले ट्विटरमा लेख्नुभएको छ, ‘म र रअका प्रमुखबीच भेट भएको भनी कतिपय सञ्चारमाध्यममा झुट, कपोकल्पित र भ्रामक समाचारहरु प्रकाशित भएकोमा त्यसको खण्डन गर्दै यस प्रकारका समाचारहरुको भ्रममा नपर्न सम्बन्धित सबैमा अनुरोध छ ।’

— Madhav Kumar Nepal (@ncp_madhavnepal) October 22, 2020

रअका प्रमुख समान्तकुमार गोयल बुधबार बेलुकी विशेष जहाजमार्फत काठमाण्डौ आउनुभएको थियो । उहाँ आउनुभएको प्रयोजन र कुन–कुन नेतासँग भेट गर्ने भन्नेबारेमा केही बताइएको थिएन । उहाँ बिहीबार बिहान भारत फर्किसक्नुभएको छ ।

आउँदो कात्तिक १८ गते भारतीय सेनाध्यक्ष एमएम नरभाने नेपाल आउनुअघि रअ प्रमुखको आगमनलाई महत्त्वका साथ हेरिएको थियो ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्