थप ३ हजार ५१७ जनामा काेराेना सङ्क्रमण, ४ हजार ९६ जना डिस्चार्ज

 कात्तिक १४, २०७७ शुक्रबार १६:२२:१२ | उज्यालो सहकर्मी
unn.prixa.net

काठमाण्डाै – नेपालमा काेभिड–१९ (कोरोना भाइरस) का सङ्क्रमितको सङ्ख्या एक लाख ६८ हजार दुई सय ३५ पुगेकाे छ । स्वास्थ्य तथा जनसङ्ख्या मन्त्रालयका अनुसार शुक्रबार तीन हजार पाँच सय १७ जनामा सङ्क्रमण पुष्टि भएकाे हाे ।

गएकाे २४ घण्टामा १४ हजार नाै सय ८९ जनाकाे नमुना सङ्कलन भएकाे हाे । त्यस्तै गएकाे २४ घण्टामा चार हजार ९६ जना निकाे भएर फर्किएसँगै डिस्चार्ज हुनेकाे सङ्ख्या एक लाख २८ हजार नाै सय ५८ पुगेको छ ।  

अब नेपालमा ३८ हजार तीन सय ५७ जना सक्रिय सङ्क्रमित आइसाेलेशनमा रहेका छन् । यस्तै दुई हजार ६ सय ६६ जना क्वरेण्टीनमा रहेकाे मन्त्रालयले जनाएको छ । 

यस्तै गएको २४ घण्टामा १६ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या नाै सय २० पुगेको मन्त्रालयले जनाएकाे छ । 

अन्तिम अपडेट: कात्तिक १७, २०७७

तपाईको प्रतिक्रिया