सौर्य प्रणाली र आँधीको अध्ययन गर्न नासाले पठायो पार्कर

साउन २७, २०७५ आइतबार १५:२३:२१ | उज्यालो सहकर्मी

नासाले ‘टच द सन’ उद्देश्यका लागि अन्तरिक्ष यान प्रक्षेपण गरेको छ ।

पार्कर सोलार प्रोब नाम दिइएको त्यो यान अमेरिकाको फ्लोरिडाको केप क्यानाभेरलबाट छुटेको बीबीसीले जनाएको छ । त्यो प्रोब इतिहासकै सबैभन्दा छिटो कुद्ने बस्तु भएको जनाइएको छ । त्यो यानको नाम अन्तरिक्ष भौतिकशास्त्री युजेने पार्करको नामबाट राखिएको हो ।

उहाँ अहिले ९१ वर्षको हुनुभएको र उहाँले नै सौर्य आँधीको बारेमा सन् १९५८ मा व्याख्या गर्नुभएको हो । त्यो प्रोब स्थानीय ३ः३१ बजे प्रक्षपण भएको हो ।

१ दशमलव ४ बिलियन डलरमा निर्माण गरिएको त्यो अन्तरिक्षयान झण्डै ६।४ मिलियन किलोमिटर टाढा पुग्ने अनुमान गरिएको छ । अत्याधिक तातो तारा नजिकै गएर त्यो अन्तरिक्ष यानले त्यहाँको वातावरण, सौर्य आँधी तथा अन्य बस्तुको अध्ययन गर्ने बताइएको छ ।

त्यो अन्तरिक्ष यान अमेरिकाको फ्लोरिडाबाट प्रक्षेपण गरिएको हो । त्यो अन्तरिक्षयान अगष्ट ११ अर्थात शनिबार प्रक्षेपण गर्ने भने पनि मौसममा आएको खराबीका करण आइतबारका प्रक्षपण गरिएको हो ।

उक्त अन्तरिक्ष यान प्रक्षेपण गरेको केही महिनामा त्यहाँ पुग्ने बताइएको छ । पार्कर सोलार प्रोब नामको त्यो अन्तरिक्षयानलाई रकेटले शुक्र ग्रहतिर फाल्ने र त्यो यान सूर्यको नजिक गएर त्यहाँको अध्ययन गर्ने नासाका वैज्ञानिकहरुले बताएका छन् ।

याे पनि पढ्नुहाेस :

साैर्य प्रणालीकाे अध्ययन गर्न यसै हप्ता नासाले पठाउँदै अन्तरिक्ष यान

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्