काठमाण्डौ – अमेरिकाका विद्यमान राष्ट्रपति डोनाल्ड ट्रम्प, नवनिर्वाचित राष्ट्रपति जो बाइडेन उपराष्ट्रपति कमला ह्यारिसले दीपावलीको शुभकामना सन्देश व्यक्त गरेका छन् । 

डोनाल्ड ट्रम्पले आफ्नो सन्देशमा घर, कार्यालय, समुदाय र पूजा स्थलमा दियोको प्रकाश बढ्दै जाँदा त्यसले हामीलाई आशातर्फ डोर्याउने बताएका छन् । 

उनले भनेका छन्, ‘अमेरिकी दीपावली मनाउन जहाँ दियो जलाउँछन्, त्यस ठाउँमा यो देश धार्मिक स्वतन्त्रताको प्रतीकको रुपमा चिनिन्छ ।’

— Donald J. Trump (@realDonaldTrump) November 14, 2020

ट्रम्पका साथै अमेरिकाका नवनिर्वाचित राष्ट्रपति जो बाइडेनले पनि दीपावलीको अवसरमा शुभकामना सन्देश दिएका छन् ।

उनले ट्वीटमा भनेका छन्, ‘करौडौँ हिन्दू, जैन, शिख र बौद्ध उज्यालोको तिहार मनाइरहेका छन् । जिल बाइडेन र मेरो तर्फबाट दीपावलीको शुभकामना । तपाईँको नयाँ वर्ष आशा र खुसीले भरपूर होस् । शुभकामना ।’  

— Joe Biden (@JoeBiden) November 14, 2020

नवनिर्वाचित अमेरिकी उपराष्ट्रपति कमला ह्यारिसले पनि ट्वीट गर्दै दीपावलीको शुभकामना दिएकी छिन् । 

‘दीपावली र यस वर्षको शुभकामना । विश्वभर रहनुभएका सबै जना एक सुरक्षित, स्वस्थ र खुसीका साथ नयाँ वर्षको उत्सव मनाउनुहोस् डगलस एम्पहफ र मेरो इच्छा छ’, ह्यारिसले ट्वीटमा भनेकी छिन् । 

— Kamala Harris (@KamalaHarris) November 14, 2020