कोरोना खाेपको आपत्कालीन प्रयोगका लागि फाइजर कम्पनीले आवेदन दिँदै

मंसिर ५, २०७७ शुक्रबार २०:८:५ | एजेन्सी

काठमाण्डाै – औषधि निर्माता कम्पनी फाइजर र उसको सहयोगी बायोटेकले अमेरिकामा कोभिड–१९ खोपको आपत्कालीन प्रयोगका अनुमति लिन आवेदन दिने भएको छ ।

अमेरिकी खाद्य एवं औषधि प्रशासन (एफडीए) ले यस कम्पनीको खोप सुरक्षित छ कि छैन भनेर निर्धारण गर्नेछ ।

यसका लागि एफडीएलाई कति समय लाग्छ भन्नेबारेमा यकिन भइसकेको छैन । यद्यपि अमेरिकी सरकार भने डिसेम्बरको दोस्रो हप्तासम्म खोपले अनुमति पाउनेमा आशावादी छ ।

यसअघि यो खोपको परीक्षणको क्रममा ६५ वर्ष भन्दामाथिका ९४ प्रतिशतमा प्रभावकारी देखिएको थियो ।

यस खोपको परीक्षणमा विश्वभर ४१ हजार जना सहभागी भएका थिए । सहभागीमध्ये आधालाई खोप र आधालाई डमी दिइएको थियो ।

याे पनि पढ्नुहाेस्

कोरोना विरुद्धको चिनियाँ खोप 'मध्य–चरण परीक्षणमा सफल', आफ्ना चारवटै खोप अन्तिम तयारीमा पुगेकाे चीनको दाबी

कोरोनाविरुद्धको खोप ६५ वर्षभन्दा माथिका मानिसमा पनि परीक्षण, ९४ प्रतिशत सफल भएको दाबी

बेलायतले यस खोपको चार करोड खेपका लागि अर्डर दिइसकेको छ र यो वर्षको अन्त्यसम्म एक करोड उपलब्ध हुने बताइएको छ ।

गएको हप्ता फाइजर र बायोटेकले प्रारम्भिक तथ्याङ्क प्रकाशित गर्दै खोप ९० प्रतिशत सुरक्षित रहेको र स्वास्थ्यलाई लिएर कुनै समस्या नभएको बताएको थियो । तर गएको बुधबार फेरि तथ्याङ्क सार्वजनिक गर्दै ९५ प्रतिशत सुरक्षित भएको बताएको हो ।

गएकाे बुधबार नै चीनले विकसित गरेको कोरोना भाइरस (काेभिड–१९) विरुद्धको एउटा खोपले 'मध्य चरणमा सफलता पाएको' अनुसन्धानकर्ताले बताएका थिए ।

अहिले विभिन्न कम्पनीका खोपहरु सुरक्षित भएको दाबी गरिँदै जाँदा खोपलाई लिएर आत्मविश्वास बढेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्