यो ओबामाको तेस्रो कार्यकाल होइन : जो बाइडेन

मंसिर १०, २०७७ बुधबार १५:०:११ | एजेन्सी

काठमाण्डाै – राष्ट्रपतीय चुनाव जितेपछि जो बाइडेनले आफ्नो पहिलो अन्तर्वार्ता एनबीसीलाई दिएका छन् । त्यस अन्तर्वार्तामा बाइडेनले आफू राष्ट्रपति बन्नु ओबामाको तेस्रो कार्यकाल नहुने बताएका छन् ।

महत्त्वपूर्ण कुरा त के छ भने ओबामाको सरकारमा जो बाइडेन उपराष्ट्रपति थिए । बाइडेनले आफ्नो मन्त्रिमण्डलमा जसलाई राख्ने घोषणा गरेका छन्, त्यसमा ओबामा सरकारका कैयौँ अनुहार पनि छन् ।

यस्तो अवस्थामा बाइडेन के ओबामाको तेस्रो कार्यकाल लिएर आइरहेका छन् भनिएको थियो । ओबामा आठ वर्ष अमेरिकाको राष्ट्रपति रहिसकेका छन् ।

अमेरिकामा दुई कार्यकालसम्म कुनै एक व्यक्ति राष्ट्रपति बन्न सक्छ । जो बाइडेनलाई एनबीसीका पत्रकार लेस्टर होल्टले ‘के तपाईँको सरकार ओबामाको तेस्रो कार्यकाल हो भनेर सोधेका थिए ?’

यस प्रश्नको उत्तरमा बाइडेनले भने, ‘यो ओबामाको तेस्रो कार्यकाल होइन । हामी ओबामा–बाइडेन प्रशासनभन्दा छुट्टै दुनियाँको सामना गरिरहेका छौँ । राष्ट्रपति ट्रम्पले पूरै परिदृश्य परिवर्तन गरिदिएका छन् ।

हामी अमेरिकालाई एकताको सूत्रमा बाँध्न चाहन्छौँ । हाम्रो सरकारमा प्रतिनिधित्वलाई लिएर विविधता हुनेछ । यहाँ हर वर्गको प्रतिनिधित्व हुनेछ । हामी रिपब्लिकनको नियुक्तिबारे पनि विचार गर्न सक्छौँ ।’

— NBC Nightly News with Lester Holt (@NBCNightlyNews) November 25, 2020

बाइडेनले ओबामाको छायाबाट बाहिर निस्किएर आउँदो चार वर्ष ओमाबाको तेस्रो कार्यकालको महसुस हुन नदिने दाबी गरेका छन् । बाइडेनले आफ्नो सामु पहिलेदेखि नै धेरै चुनौती रहेको बताए ।

बाइडेनको टिममा अझै धेरै अनुहार सहभागी हुँदैछन् । बाइडेनले एनबीसी न्युजसँग अहिले टिमको पूरै ध्यान सत्ता हस्तान्तरणमा रहेको बताए । उनले भने, ‘ट्रम्प प्रशासन राष्ट्रिपतिको नियमित ब्रिफिङलाई लिएर पहिलेदेखि नै मदत गरिरहेको छ । हामी ह्वाइट हाउसको कोभिड टिमसँग भेटेर आवश्यक कुराकानी गरिरहेका छौँ ।’

आफूले विश्वका २० नेताहरुसँग कुराकानी गरेको र उनीहरु सबै उत्साहित रहेको एनबीसी न्युजसँगको कुराकानीमा भने ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्