काठमाण्डाै – जीमेल, युट्यूब, गुगल डक्ससहित गुगलकाे सेवा साेमबार केही समयकाे लागि बन्द भएकाे थियाे । प्रयाेगकर्ताले न त आफ्नाे इमेल खाेल्न पाएका थिए र न युट्युबमा कुनै भिडियाे हेर्न पाएका थिए । 

सोमबार साँझदेखि गुगलकाे यी सेवा बन्द भएकाे थियाे । झण्डै आधा घण्टापछि गुगलकाे यी सेवा फेरि सुरु भएकाे छ । 

याे समस्या नेपालमा मात्र नभइ विश्वभरि नै देखिएकाे थियाे । विश्वभरका प्रयाेगकर्ताले अवराेधकाे सामना गर्नुपरेकाे थियाे । 

यद्यपि यी समस्याकाे बारेमा आधिकारिक रूपमा पुष्टि भएकाे छैन । 

युट्युब नचलेकाे भन्दै सूचना दिनेमध्ये ५४ प्रतिशतले वेबसाइटकाे प्रयाेग गर्न नसकेकाे, ४२ प्रतिशतले भिडियाे देख्न नसकेकाे र तीन प्रतिशतले लग इनमा समस्या देखिएकाे बताएका थिए ।  

त्यस्तै जीमेलमा समस्या देखिएकाे भन्दै सूचना दिनेमध्ये ७५ प्रतिशतले लग इन गर्न नसकेकाे, १५ प्रतिशतले बेवसाइटसम्म पुग्न नसकेकाे र आठ प्रतिशतले सन्देश प्राप्त नभएकाे गुनासाे गरेका थिए ।