भारतले रिहा गर्‍याे लद्दाखमा पक्राउ परेका एक चिनियाँ सैनिक

पुष २७, २०७७ सोमबार १८:५:० | एजेन्सी

काठमाण्डाै – भारत र चीनबीचकाे विवादित सीमा लद्दाखमा पक्राउ परेका एक चिनियाँ सैनिकलाई भारतले रिहा गरिदिएको छ ।

गएको शुक्रबार वास्तविक नियन्त्रण रेखा (एलओसी) मा प्रवेश गरेका चिनियाँ जनमुक्ति सेनाका एक जवानलाई भारतीय सैनिकले पक्राउ गरेका थिए । उनलाई साेमबार सकुशल रिहा गरिदिएको भारतीय सैनिकलाई उद्धृत गर्दै नवभारत टाइम्सले जनाएको छ ।

सीमा क्षेत्रमा शान्ति कायम गर्न भारत प्रतिबद्ध रहेकाले पक्राउ परेका चिनियाँ सैनिकलाई रिहा गरिएको भारतले जनाएको छ । भारतले गलत नियतका साथ चिनियाँ सैनिक वास्तविक नियन्त्रण रेखामा प्रवेश गरेको आरोप लगाएको छ भने चीनले रातको समयमा बाटो बिर्सेर आफ्ना सैनिक दशगजा क्षेत्रमा पुगेको दाबी गरेको छ ।

यसअघि गएको अक्टोबरमा पनि पूर्वी लद्दाख क्षेत्रमा पनि चिनियाँ सैनिक एलओसीमा प्रवेश गरेपछि भारतीय सैनिकले पक्राउ गरेका थिए ।

गएको मे महिनामा चिनियाँ सैनिकको आक्रमणमा २० जना भारतीय सैनिकको ज्यान गएपछि सीमा क्षेत्र लद्दाखमा तनाव उत्पन्न हुँदै आएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतले रिहा गर्‍याे लद्दाखमा पक्राउ परेका एक चिनियाँ सैनिक

तस्बिर : एजेन्सी

तपाईको प्रतिक्रिया