नेपाललाई 'स्पुतनिक–भी' खोप उपलब्ध गराउन रुस इच्छुक

 पुस २९, २०७७ बुधबार १०:१३:४४ | एजेन्सी
unn.prixa.net

काठमाण्डाै – रुसले कोरोना भाइरस विरुद्धको दुई करोड ५० लाख डोज खोप नेपाललाई उपलब्ध गराउन तयार रहेको बताएको छ ।

रुसको विदेश मन्त्रालयले आफूहरु स्पुतनिक भी खोप नेपाललाई सकेसम्म चाँडो उपलब्ध गराउन तयार रहेको बताएको अन्तर्राष्ट्रिय समाचार संस्था रोयटर्सले जनाएको छ । स्पुतनिक भी खोप रुसले विकास गरेको खोप हो । यो खोप रुस, बेलारुस, अर्जेन्टिना लगायतका देशले प्रयोग गर्न थालिसकेका छन् ।

यो खोप ५० भन्दा बढी देशले झण्डै डेढ अर्ब डोज माग गरिसकेका रुसले जनाएको छ । रुसले स्पुतनिक–भी खोपको चिकित्सकीय परीक्षण गर्दा ९५ प्रतिशत प्रभावकारी देखिएको दाबी रुसले गरेको छ । खोपको मूल्य अन्तर्राष्ट्रिय बजारमा प्रतिडोज १० अमेरिकी डलर पर्ने रुसले जनाएको छ ।

अन्तिम अपडेट: माघ २, २०७७

1 Comments

  • Gyan sah

    Jan. 13, 2021, 11:53 a.m.

    I think nepal should Pfizer as it is prescribed BY WHO.

  •  0 Reply

तपाईको प्रतिक्रिया