१९ वर्षीया युवती बनिन् उत्तराखण्डकाे एक दिने मुख्यमन्त्री

 माघ ११, २०७७ आइतबार १२:२१:२२ | उज्यालो सहकर्मी
unn.prixa.net

काठमाण्डाै - भारतको हरिद्वार जिल्ला दौलतपुरकी १९ वर्षीया युवती सृष्टि गोस्वामीलाई उत्तराखण्ड सरकारले एक दिनका लागि मुख्यमन्त्री बनाएकाे छ। 

सृष्टिलाई २४ जनवरीका दिन आज राष्ट्रिय बालिका दिवसको अवसरमा उत्तराखण्डको मुख्यमन्त्री बनाइएकाे हाे । 

उत्तराखण्ड बालअधिकार संरक्षण आयोगकी अध्यक्ष उषा नेगीले सरकारले महिला सशक्तीकरणप्रति जाकरुकता फैलाउने उदेश्यले उनलाई मुख्यन्त्री बनाएकाे बताउनु भएको छ।

आफूलाई एक दिने मुख्यमन्त्री बनाइएकाेप्रति खुसी व्यक्त गर्दै सृष्टीले विशेषगरी बालिकाको सुरक्षासँग जोडिएका विषयप्रति केन्द्रीत भएर उत्तरखण्ड सरकारका अलग अलग विभागसँग छलफल गरिने बताएकी छिन् । यस अवसरमा विभागका अधिकारीहरुले आफ्नो कामबारे ब्रिफिङ गर्ने र आफूले त्यस विषयमा सुझाव दिने कार्यक्रम रहेकाे सृष्टिले बताइन्।

उत्तराखण्डका मुख्यमन्त्री त्रिवेन्द्र सिंह रावत पनि यो कार्यक्रममा सहभागी हुनुभएकाे छ । उत्तराखण्ड विधानसभा भवनको एक सभाहलमा आयाेजित यस कार्यक्रम भारतीय समयअनुसार मध्याह्न १२ बजेदेखि ३ बजेसम्म चल्ने छ ।

रुड्कीमा रहेकाे बीएसएम पीजी कलेजमा बीएस्सी एग्रीकल्चर पढिरहेकी सृष्टि एक दिनका लागि मुख्यमन्त्री बनेकाे खबर अहिले सामाजिक सञ्जालमा भाइरल भएकाे छ । यसअघि सृष्टिलाई सन् २०१८ मा उत्तराखण्ड बाल विधानसभाको मुख्यमन्त्री चुनिएको थियो । 


 

अन्तिम अपडेट: चैत १४, २०८०

तपाईको प्रतिक्रिया