भारत–चीन सीमा विवाद : पूर्वी लद्दाखमा दुई देशबीच सम्झौता

माघ २९, २०७७ बिहीबार १५:३५:३८ | एजेन्सी

काठमाण्डाै – भारत र चीनबीच विवादित सीमा क्षेत्र लद्दाखलाई लिएर सम्झौता भएको छ । भारतका रक्षा मन्त्री राजनाथ सिंहले बिहीवार पूर्वी लद्दाखको वर्तमान स्थितिबारे संसदलाई जानकारी गराउनुभएकाे छ ।

उहाँले भन्नुभएको छ, ‘चीनसँग प्याङगोङ तालको उत्तर र दक्षिण क्षेत्रमा सेनालाई पछि हटाउने सहमति भएको छ । हाम्रो दृढ सङ्कल्प र अर्थपूर्ण वार्ताका कारण चीनसँग सहमति भएको हो, सदनलाई यो कुरा भनिरहँदा निकै खुसी लागेको छ ।’

पूर्वी लद्दाखमा भारत र चीन सीमा (वास्तविक नियन्त्रण रेखा ‘एलओसी’) मा दुई देशबीच झण्डै दश महिनादेखि तनाव भइरहेको छ ।

यस सीमा विवादलाई सुल्झ्याउनका लागि दुई देशबीच अहिलेसम्म नौ पटक उच्चस्तरीय सैन्य वार्ता भइसकेको छ ।

भारतका रक्षा मन्त्री सिंहले भन्नुभएको छ, ‘भारतले सधैँ चीनलाई द्विपक्षीय सम्बन्ध दुवै पक्षको प्रयासमा विकसित हुन सक्छ भन्दै आएको छ । साथै सीमाको प्रश्न पनि छलफलको माध्यमबाट सुल्झाउन सकिन्छ ।’

गएको जुन १५ मा चिनियाँ सेनासँगको सङ्घर्षका क्रममा २० भारतीय सैनिकको ज्यान गएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारत–चीन सीमा विवाद : पूर्वी लद्दाखमा दुई देशबीच सम्झौता

फाइल फाेटाे, एजेन्सी

तपाईको प्रतिक्रिया