इन्जिनमा समस्या देखिएपछि बोइङ ७७७ विमान उडाउन रोक

फागुन १०, २०७७ सोमबार १६:३१:५० | उज्यालो सहकर्मी

काठमाण्डाै – आफ्नो एक विमानको इन्जिनमा समस्या आएपछि अमेरिकी विमान निर्माता बोइङले विश्वरमा दर्जनौँ बोइङ ७७७ विमान ‘ग्राउण्डेड’ गर्ने निर्णय गरेको छ ।

गएको शनिवार दुई सय ३१ यात्रु लिएर उडेको एक विमान अमेरिकाको डेनभर विमानस्थलमा फर्किन बाध्य भएको थियो । यस घटनामा कसैलाई पनि क्षति नपुगेको बताइएको छ ।

यसपछि युनाइटेड एअरलाइन्स र जापानको दुई मुख्य एअरलाइन्सले ६२ विमानको प्रयोग बन्द गरेको छ । कोरियन एअरले पनि ६ विमानको प्रयोग बन्द गरेको छ ।

बोइङले कुल एक सय २८ विमान, जसमा डेनभर विमानमा रहेको इन्जिन छ, त्यसको प्रयोग रोक्ने जनाएको छ ।

कम्पनीले एक विज्ञप्तिमा भनेको छ, ‘जाँच अझै पनि चलिरहेको छ, हामीले प्रेट एण्ड ह्विटनी ४०००–११२ इन्जिनका प्रयोग भइरहेको ६९ र स्टोरमा राखिएका ५९ विमानको प्रयोग रोक्न सिफारिस गरेका छौँ ।’

फेडरल एभिएशन एडमिनिस्ट्रेशन (एफएए) का अनुसार यस विमानको प्रयोग अमेरिकामा युनाइटेड एअरलाइन्सले मात्र गरिरहेको छ । यसका साथै यसको प्रयोग जापान र दक्षिण कोरियामा भइरहेको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्