संसदीय प्रक्रिया सुरु भएपछि मात्रै सत्ता समीकरणबारे निर्णय लिन्छाैँ : कांग्रेस नेता पाैडेल

फागुन १३, २०७७ बिहीबार १९:३९:३२ | उज्यालो सहकर्मी

काठमाण्डाै – नेपाली कांग्रेसको पदाधिकारी बैठकले संसदीय प्रक्रिया सुरु भएपछि मात्रै सत्ता समीकरणको सम्बन्धमा निर्णय लिने निष्कर्ष निकालेको छ ।

बिहीवार नेपाली कांग्रेसका सभापति शेरबहादुर देउवाको निवास बूढानीलकण्ठमा बसेको पदाधिकारी बैठकले संसदीय प्रक्रिया सुरु हुनु अगाडि नेपाली कांग्रेसको केही भूमिका नहुने भन्दै संसदीय प्रक्रिया आरम्भ भएपछि सत्ता समीकरणलगायतका आफ्नो भूमिकाहरूको बारेमा निर्णय लिने निष्कर्ष निकालेको हो ।

नेपाली कांग्रेसका वरिष्ठ नेता रामचन्द्र पौडेलले संसदीय प्रक्रिया कसरी अगाडि बढ्छ, त्यसैअनुसार आफ्नो पार्टीले सल्लाह गरेर काम गर्ने बताउनुभयो । संसदीय प्रक्रिया अगाडि नबढी नेपाली कांग्रेसको भूमिका नहुने पौडेलले बताउनुभयो ।

उहाँले भन्नुभयो, ‘संसदीय प्रक्रिया केही सुरु भएको छैन । संसदीय प्रक्रिया केही अगाडि नबढीकन नेपाली कांग्रेसले अहिले गर्ने भूमिका खासै केही छैन । पहिले प्रक्रिया अगाडि बढोस्, कसरी आउँछ, त्यहीअनुसार हाम्रो पार्टीले सल्लाह गरेर काम गर्छौँ ।’

वरिष्ठ नेता पौडेलले सर्वोच्च अदालतले प्रतिनिधि सभा पुनर्स्थापना गरेर संविधान, लोकतान्त्रिक प्रणाली र संसदीय प्रणालीलाई बचाएकोमा नेपाली कांग्रेसले सन्तोष मानेको पनि बताउनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्