प्रधानमन्त्री ओलीकाे ठट्टा : ‘यति थोरै जेल बसेर छुट्न पाए पो हुन्थ्यो, हाम्रो त १४ वर्ष’

फागुन २१, २०७७ शुक्रबार १८:२३:३० | उज्यालो सहकर्मी

काठमाण्डाै – प्रधानमन्त्री केपी शर्मा ओलीले ठट्यौली शैलीमा आफूले १४ वर्ष जेल बस्नुपरेको भन्दै नेत्रविक्रम चन्द विप्लव नेतृत्वकाे नेपाल कम्युनिस्ट पार्टीका कार्यकर्ता धर्मेन्द्र बाँस्तोलालाई छिटै जेलबाट छुटेकोमा बधाई दिनुभएकाे छ ।

काठमाण्डौको राष्ट्रिय सभा गृहमा शुक्रवार आयोजित सहमति हस्ताक्षर समारोहलाई सम्बोधन गर्दै प्रधानमन्त्री ओलीले भन्नुभयो, ‘यति थोरै जेल बसेर छुट्न पाए पो हुन्थ्यो, हाम्रो त १४ वर्ष ।’

४८ वर्षअघि आजकै दिन नयाँ आन्दोलन, नयाँ एकीकरण र नयाँ सङ्कल्प बोकेर हिँडेका पाँच जनालाई जेल सार्ने नाममा सुखानी जङ्गलमा लगेर सबैको एकै ठाउँमा हत्या गरिएको घटनाको स्मरण गर्दै प्रधानमन्त्री ओलीले सबै सहिदप्रति हार्दिक श्रद्धासुमन पनि व्यक्त गर्नुभयो । उहाँले नेपालको राजनीतिक परिर्वतनमा योगदान पुर्‍याउने क्रममा ज्यान गुमाएका केही व्यक्तिहरूलाई सरकारले विधिवत् ढङ्गले सहिद घोषणा गरेको पनि जानकारी दिनुभयो ।

प्रधानमन्त्री केपी शर्मा ओलीले नेत्रविक्रम चन्द विप्लव नेतृत्वको नेपाल कम्युनिस्ट पार्टीसँगको सहमतिसँगै नेपाल शान्तिपूर्ण युगमा प्रवेश गरेको बताउनुभयाे । प्रधानमन्त्री ओलीले सहमतिसँगै नेपालमा अब हिंसात्मक द्वन्द्व छैन भन्ने सन्देश दिएको बताउनुभएको हो ।

उहाँले अघिल्लो वर्ष सिके राउतसँग भएको सहमति स्मरण गर्दै शान्तिपूर्ण युग प्रवेशको अन्तिम किस्ताको रूपमा विप्लवसँगको सहमति भएको बताउनुभयो । राष्ट्रिय राजनीतिको मूलधारमा प्रवेश गरेकोमा बधाई अनि धन्यवाद दिँदै प्रधानमन्त्री ओलीले यो राजनीतिमा विप्लव सफल हुने विश्वास आफूले लिएको बताउनुभयो ।

उहाँले भन्नुभयो, ‘अन्तिम किस्तामा नेपाल शान्तिपूर्ण युगमा प्रवेश गरेको छ । अब नेपालमा हिंसात्मक द्वन्द्व छैन । हिंसात्मक बाटो र आन्दोलनको कार्यदिशा कसैले पनि अवलम्बन गरेको छैन । आजको कामको ठूलो उपलब्धि अब नेपालमा हिंसात्मक द्वन्द्व छैन र शान्ति छ । यो सहमतिसँगै नेपाल शान्तिको मापदण्डमा धेरै अगाडि बढेको छ । शान्तिको प्यारामिटरमाथि उठाउन सहयोग गरेकोमा विप्लवलाई धन्यवाद दिन चाहन्छु ।’

तस्बिर : रासस

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्