अमेरिकाको एट्लान्टामा आक्रमण : ६ एसियाली महिलासहित आठ जनाको ज्यान गयो

चैत ४, २०७७ बुधबार १३:२४:१५ | एजेन्सी

काठमाण्डाै – अमेरिकाको जर्जिया राज्यको तीन ठाउँमा भएको गोली प्रहारमा ६ एसियाली महिलासहित आठ जनाको ज्यान गएको बीबीसीले जनाएकाे छ ।

प्रहरीका अनुसार एट्लान्टाको उत्तरतर्फ रहेको एक मसाज पार्लरमा चार जनाको ज्यान गएको हो भने एटलान्टाको दुई स्पामा चार जनाको ज्यान गएको हो ।

ज्यान गुमाउनेमध्ये चार जना कोरियाली भएको दक्षिण कोरियाले पुष्टि गरेको छ ।

अधिकारीहरुले तीनवटै घटनामा संलग्न रहेको आशङ्कामा एक २१ वर्षीय पुरुषलाई पक्राउ गरेको बताएका छन् ।

मङ्गलवार भएको यस घटनाको कारणबारे बताइएको छैन ।

पछिल्ला दिनमा एसियाली मूलका मानिसले कोरोना भाइरस फैलाएको आरोप खेपिरहेका बेला अमेरिकामा एसियाली मूलका मानिसप्रति अपराध बढेको छ ।

गएको हप्ता अमेरिकी राष्ट्रपति जो बाइडेनले एसियाली अमेरिकीप्रति भएको आक्रमण, दुव्र्यवहारको खण्डन गर्नुभएको थियो ।

पहिलो अमेरिकी समयअनुसार साँझ ५ बजे योङ् एसियन मसाज पार्लरमा भएको बताइएको छ ।

प्रहरी कार्यालयका प्रवक्ता क्याप्टेन जे बेकरले घटनास्थलमा दुई जनाको ज्यान गएको र तीन जनालाई अस्पताल लगिएकोमा दुई जनाको त्यहाँ ज्यान गएको हो । त्यहाँ ज्यान गुमाएकामध्ये दुई एसियाली महिला, एक श्वेत पुरुष र एक श्वेत महिला रहेको बताइएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्