काठमाण्डाै – अमेरिकी रक्षा मन्त्री लोयड अस्टिनले अचानक अफगानिस्तानको भ्रमण गर्नुभएको छ । उहाँले अनौपचारिकरूपमा अफगानिस्तानको भ्रमण गर्नुभएको पेन्टागनलाई उदृत गर्दै बीबीसीले जनाएको छ ।

अफगानिस्तानबाट अमेरिकी सेना फर्किने मिति नजिकिँदै गर्दा भएको अमेरिकी रक्षामन्त्रीको  भ्रमणलाई अर्थपूर्ण रूपमा हेरिएको छ । अमेरिकाले गएको वर्ष अफगानिस्तानको तालिवान विद्रोहीसँग गरेको सहमति अनुसार यसै वर्षकाे मेमा सबै अमेरिकी सेनालाई फिर्ता गर्नुपर्नेछ ।

सेना फिर्ताको तयारीस्वरूप रक्षामन्त्री अस्टिनले अफगानिस्तानका राष्ट्रपति असरफ घानीसहित उच्च अधिकारीसँग भेटवार्ता गरेको खबरमा उल्लेख छ । अमेरिकी राष्ट्रपति जो बाइडेनले भने अघिल्लो सरकारले गरेको सहमति मिति मे १ मा नै सबै अमेरिकी सैनिक फिर्ता गर्न कठिन हुने बताउँदै आउनुभएको छ । रक्षामन्त्री अस्टिनले यसै हप्ता जापान, भारतलगायतका एसियाली देशको भ्रमण गरिसक्नुभएको छ ।