इन्डोनेसियामा बाढी र पहिराेबाट ज्यान गुमाउनेकाे संख्या १५० नाघ्यो

चैत २४, २०७७ मंगलबार १३:२६:३ | उज्यालो सहकर्मी

काठमाण्डौ - इन्डोनेसिया र तिमाेर लेस्तेमा बाढी र पहिरोबाट ज्यान गुमाउनेकाे सङ्ख्या १५० नाघेकाे छ । अझै पहिराे र बाढीमा दर्जनाैँ हराइरहेका त्यहाँका सरकारी अधिकारीले जानकारी दिएका छन् ।

बाढीबाट इन्डोनेसिया र छिमेकमा पर्ने तिमोर लेस्ते बढी प्रभावित भएकाे बीबीसीले जनाएकाे छ । यस प्रकोपबाट इन्डोनेसियामा १३० र तिमाेरमा २७ जनाको ज्यान गइसकेकाे इन्डोनेसियाको विपद् व्यवस्थापन निकायका प्रवक्ताले बताएका छन् । तिमाेरको राजधानी डिलीको आवासीय क्षेत्रमा धेरै व्यक्तिको ज्यान गइसकेकाे बीबीसीमा उल्लेख छ ।

इन्डोनेसियामा अझै पनि ७० भन्दा बढी व्यक्ति हराइरहेका र उनीहरुकाे खोजी तथा उद्धार कार्य भइरहेकाे त्यहाँकाे विपद् व्यवस्थापन निकायले जनाएकाे छ । बाढी पहिरोका कारण करिब दश हजार घरसहित भौतिक संरचनामा क्षति पुगेको छ । आँधीबेहरीले लेम्बाटा टापुको केही गाउँ र समुद्रको किनारमा अवस्थित भवनहरू बगाएको छ ।

वर्षाको समयमा इन्डोनेसियाली द्वीपहरुमा आउने बाढी र पहिरोकाे कारण सयाैँ मानिसकाे ज्यान जाने गरेकाे छ। गएकाे जनवरीमा इन्डोनेसियाको पश्चिमी भागमा पर्ने जाभा प्रान्तको सुमेडाङ सहरमा आएको बाढीमा कम्तीमा ४० व्यक्तिको ज्यान गएकाे थियाे। त्यसैगरी गएकाे सेप्टेम्बरमा बोर्नेओ सहरमा आएको पहिरोमा परेर ११ व्यक्तिले ज्यान गुमाएका थिए ।

त्यहाँको आधा जनसङ्ख्या बाढीपहिरोको उच्च जोखिम क्षेत्रमा बसोबास गरिरहेका विपद्सम्बन्धी विभिन्न तथ्याङ्कमा उल्लेख छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्