काठमाण्डौमा निश्चित समयमा मात्रै अत्यावश्यक वस्तुका पसल खोल्ने तयारी

 बैशाख १९, २०७८ आइतबार २०:३९:५० | उज्यालो सहकर्मी
unn.prixa.net

काठमाण्डाै – जिल्ला प्रशासन कार्यालय काठमाण्डौले निश्चित समयमा मात्रै अत्यावश्यक वस्तुका पसल खोल्न दिने तयारी गरेको छ । आइतवार (आज) यस विषयमा छलफल भए पनि निर्णय भने हुन बाँकी रहेको काठमाण्डौका प्रमुख जिल्ला अधिकारी कालीप्रसाद पराजुलीले जानकारी दिनुभयो ।

काठमाण्डौमा निषेधाज्ञा भए पनि प्रभावकारी नभएको निष्कर्ष निकाल्दै थप कडाइ गर्ने तयारी गरेको उहाँले बताउनुभयो । उहाँका अनुसार अब बिहान १० बजेसम्म मात्र अत्यावश्यक पसलहरू खोल्न अनुमति दिइने तयारी भएको छ ।

त्यस्तै यसअघि बेलुका ५ बजेदेखि ७ बजेसम्म पसल खोल्न अनुमति दिएको भए पनि त्यसमा कडाइ गरिने भएको छ । यस्तै निषेधाज्ञालाई कडाइ गर्न भोलिदेखि मृत्यु संस्कार र अत्यन्तै जरुरी कार्यबाहेकका गाडीलाई पास नदिने पनि प्रमुख जिल्ला अधिकारी पराजुलीले जानकारी दिनुभयो ।  

अन्तिम अपडेट: बैशाख २५, २०७८

तपाईको प्रतिक्रिया