'कोरोना सङ्क्रमितको उद्धार गर्दा बढी भाडा नलिनू' : प्राधिकरण

वैशाख २८, २०७८ मंगलबार ११:३४:१ | रासस

काठमाण्डाै – नेपाल नागरिक उड्ययन प्राधिकरणले कोरोना सङ्क्रमितको उद्धारका क्रममा हेलिकोप्टर कम्पनीले बढी भाडा लिएको विषयमा आफ्नो ध्यानाकर्षण भएको बताएको छ ।

प्राधिकरणले विज्ञप्ति निकालेर तोकिएभन्दा बढी भाडा लिएका खबरहरु आइरहेको भन्दै यसतर्फ ध्यानाकर्षण भएको बताएको हो । प्राधिकरणले कोरोना सङ्क्रमित यात्रुलाई ओसारपसार गर्दा हेलिकोप्टर कम्पनीले लिने गरेको अतिरिक्त शुल्कलाई कम गर्न सबै हेलिकोप्टर कम्पनीलाई निर्देशन दिइसकेको भन्दै उडानमा बिचौलियामार्फत हुन सक्ने अवाञ्छित गतिविधिलाई रोक्न पनि भनेको छ ।

यस्तै हवाइ सेवा सञ्चालकहरूको छाता सङ्गठन वायु सेवा सञ्चालक सङ्घले पनि छुट्टै विज्ञप्ति निकालेर कोरोनाका बिरामी उद्धारका नाममा बढी भाडा नलिन आफ्ना सबै सदस्य कम्पनीलाई अनुरोध गरेको छ ।

अहिलेको अवस्थामा सदस्य वायुसेवा कम्पनीले आफ्नो सामाजिक उत्तरदायित्व सम्झी कोरोनाका बिरामी उद्धार उडानमा खटिएको स्मरण गराउँदै सङ्घले नियामक क्यानको नीति नियममा रहेर उडान गरिरहेको बताएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्