वैदेशिक रोजगारीबारे जानकारी दिन नगरपालिकाले राख्यो होर्डिङ बोर्ड

भदौ ८, २०७५ शुक्रबार १३:१७:५१

खोटाङ – जिल्लाको हलेसी तुवाचुङ नगरपालिकाले वैदेशिक रोजगारी सम्बन्धी जानकारी नागरिकको पहुँच पुर्‍याउन अभियान थालेको छ ।

सूचनाका लागि नगरपालिकाले वडा नम्बर ३ च्यास्मिटार, वडा नम्बर ४ बडहरे र वडा नम्बर ९ सल्लेमा होर्डिङ बोर्ड राखेको छ । विदेश जानेहरुले ख्याल गर्नुपर्ने कुरा लेखिएका होर्डिङ बोर्ड धेरै व्यक्ति आउजाउ गर्ने ठाउँमा राखिएको छ ।

बोर्डमा सीप नसिकी जाँदाभन्दा सिकेर जाँदा विदेशको बसाई उपलब्धिपूर्ण हुने, निःशुल्क सिक्न पाइने सीप बारेको जानकारी, विदेश जानेले एजेण्ट र म्यानपावरलाई पैसा दिँदा ख्याल गर्नुपर्ने कुरा, कागजातका फोटोकपी सुरक्षित राख्नुपर्ने लगायतका जानकारी उल्लेख गरिएको छ ।

विदेश जानुअघि सूचना र जानकारी दिने संघसंस्थाका जानकारी पनि बोर्डमा लेखिएको छ । बोर्ड राख्दै वडा नम्बर ९ सल्लेका अध्यक्ष काशिराज राईले वडालाई सुरक्षित वैदेशिक रोजगार युक्त वडा बनाउन पनि पहल भइरहेको बताउनुभयो ।

बडहरेका वडाध्यक्ष किशोर बस्नेतले आफ्नो वडालाई सुरक्षित वैदेशक रोजगारयुक्त बनाउन विदेश जानेलाई सीप सिकेर, कागजपत्रहरुको फोटोकपी छाडेर मात्रै जान सिकाउने र विदेशमा रहेकाहरुबाट पनि कागजपत्रको फोटोकपी मगाइरहेको बताउनुभयो ।

यस्तै च्यास्मिटारका वडाध्यक्ष भलराज राईले आफूले विदेश जानेहरुलाई सूचना केन्द्रमा पुगेर सूचना लिएर मात्रै विदेश जान जानकारी दिइरहेको बताउनुभयो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्