सुरुङमार्ग निर्माण नगरेकाले निजी कम्पनीलाई दिएको सम्बन्धन खारेज गर्न सिफारिस गरियो : मुख्यमन्त्री पौडेल

भदौ ८, २०७५ शुक्रबार १८:४३:५२ | हरि हुमागाईं

मकवानपुर – तीन नम्बर प्रदेशका मुख्यमन्त्री डोरमणि पौडेलले हेटौंडा–भिमफेदी–कुलेखानी–काठमाडाैं सुरुङमार्ग निर्माणको जिम्मा पाएको कम्पनीले काम सुरु नगरेकाले खारेज गर्नका लागि संघीय सरकारलाई सिफारिस गरिएको बताउनुभएको छ ।

शुक्रबार मुख्यमन्त्री तथा मन्त्री परिषदको कार्यालयमा पत्रकार समेलन गर्दै उहाँले नेपाल पूर्वाधार विकास कम्पनीले सुरुङ मार्ग निर्माण गर्ने भनेर जनतालाई वर्षौँदेखि छारो हालेकाले अब त्यसको सम्झौता खारेज गर्नका लागि सिफारिस गरिएको बताउनुभयो ।

प्रदेशको मन्त्रिपरिषद बैठकले निर्णय गरेर सुरुङमार्ग निर्माण गर्ने भन्ने कम्पनीको सम्झौता खारेज गर्नका लागि सिफारिस गरिएको बताउँदै मुख्यमन्त्री पौडेलले भन्नुभयो, ‘सुरुङमार्ग निर्माण गर्छु भन्ने कामको भने सिन्को पनि नभाँच्ने ? म्याद थपेको थप्यै गर्ने भएकाले संघीय सरकारसँग कुरा गरेर नै यहाँबाट सम्झौता खारेज गर्नका लागि सिफारिस गरिएको हो ।’

सुरुङमार्ग निर्माणका लागि प्रदेश सरकारले बजेट छुट्याएकाले अब आफूहरुले सुरुङमार्ग निर्माणमा लागिने उहाँको भनाई छ । काम गर्छु भनेर लाइसेन्स ओगटेर बस्ने प्रवृत्ति भएकाले यो निर्णयमा पुगिएको उहाँको भनाई छ । प्रदेश सरकारको गौरवको आयोजनाका रुपमा सुरुङमार्ग निर्माणको काम भएकाले यसलाई गरेरै छोड्ने अठोटमा लागिएको उहाँले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्