प्रकाण्डलाई फेरि तीन दिन थुनामा राख्न आदेश

भदौ १०, २०७५ आइतबार १६:२१:३१ | नवदीप अजनबी

नुवाकोट – नेत्रविक्रम चन्द्र ‘विप्लव’ नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मा ‘प्रकाण्ड’लाई जिल्ला अदालत नुवाकोटले पुनः तीनदिन थुनामा राख्न अनुमति दिएको छ ।

आइतबार जिल्ला अदालतले तीन दिन थुनामा राख्न म्याद थप गरेको हो । स्काभेटरमा आगजनी गरेको आरोपमा काठमाडौंमा पक्राउ गरी नुवाकोट ल्याइएका ‘प्रकाण्ड’लाई गएको शुक्रबार पनि तीन दिन थुनामा राख्न आदेश दिएको थियो ।

प्रहरीले आइतबार पनि एक हप्ताको थुनामा राख्ने म्याद थप गर्न अनुरोध गरे पनि जिल्ला अदालतले तीन दिन मात्र म्याद थप गरेको हो ।

बेलकोटगढी नपा–९ भट्टथोकमा गएको गएको साउन ७ गते राति दुईवटा स्काभेटरमा जलाएको आरोपमा मुद्धा चलाउन नुवाकोट ल्याइएको जिल्ला प्रहरी प्रमुख एसपी वसन्तबहादुर कुँवरले जानकारी दिनुभयो ।

धमले–जिलिङ सडक स्तरोन्नतीको काम गर्दै आएको नागार्जुन कन्ट्रक्सनको दुईवटा स्काभेटरमा आगो लगाइएको थियो ।

विश्कर्मालाई गएको शनिबार काठमाडौंमा पक्राउ गरी राति नै नुवाकोट ल्याइएको थियो । अदालतमा म्याद थपको लागि लैजानेक्रममा विश्वकर्माले आफूलाई राजनीतिक प्रतिशोधको लागि मात्र पक्राउ गरिएको बताउनुभयो ।

उहाँले नुवाकोटको स्काभेटर जलाएको काण्डमा आफ्नो कुनै पनि संलग्नता नभएको बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवदीप अजनबी

नुवाकोटका पत्रकार नवदीप अजनबी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्