मिनरल वाटरको बोतलभित्र चराको प्वांख भेटिएपछि...

जेठ १८, २०७५ शुक्रबार १८:२:२७ | किरण लोहनी

गोरखा – जिल्ला प्रशासन कार्यालय गोरखाले तनहुँमा उत्पादित २ उद्योगको पानी गोरखामा बिक्री गर्न रोक लगाएको छ ।

आँबुखैरेनी –६, को कृति वेभरेज इण्डष्ट्रिजले उत्पादन गर्ने सञ्जिवनी र आँबुखैरेनी –४, को सुरज मिनरल वाटर नामको कम्पनीले उत्पादन गर्ने छिम्केश्वरी ब्राण्डको पानी गोरखामा बिक्रीका लागि रोक लगाइएको हो ।

दुवै पानीका बोतलमा अखाद्य वस्तु फेला परेको र प्रयोगशाला परीक्षणबाट पनि त्यो प्रमाणित भएकाले गोरखा जिल्लाभर बिक्रीमा रोक लगाउन गोरखा उद्योग बाणिज्य संघलाई भनिएको प्रमुख जिल्ला अधिकारी नारायणप्रसाद भट्टराईले बताउनुभयो । दुवै कम्पनीले आफूले उत्पादन गर्ने पानीको शुद्धताको सुनिश्चितता नगरेसम्म जिल्लाभित्र बिक्रीमा रोक लगाउने निर्णय भएको उहाँको भनाई छ । गएको चैत ८ गते गोरखाको १२ किलो वजारमा सञ्जिवनी नामको पानीको बोतलभित्र चराको सिंगो प्वाँख तैरिरहेको भेटिएपछि उपभोक्ता हित संरक्षण मञ्च ार्फत जिल्ला प्रशासन कार्यालयमा बुझाइएको थियो ।

त्यही दिन छिम्केश्वरी ब्राण्डकोे त्यस्तै पानीको बोतलमा पनि अखाद्य सेता कणहरु भेटिएका थिए । प्रशासनले दुवै कम्पनीको बोतलको पानीको गुणस्तर परीक्षणका लागि पठाएको थियो । क्षेत्रीय खाद्य प्रविधि तथा गुण नियन्त्रण कार्यालय भैरहवाले पानीको नमुना परीक्षण गरी जिल्ला प्रशासन कार्यालय गोरखालाई प्रतिवेदन पठाएको हो ।

प्रतिवेदनमा प्रशोधित पिउने पानीमा बाह्य अखाद्य वस्तु भेटिनु नेपाल सरकारको अनिवार्य मापदण्ड विपरीत हुने भनिएको छ । अब दुवै कम्पनीले आफूले उत्पादन गर्ने पानी शुद्ध छ भन्ने आधिकारिक निकायबाट प्रमाणित नगरेसम्म गोरखा जिल्लाभर बिक्री गर्न नपाउने भएको हो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्