खानेपानीको पाइपमा विष हाल्ने व्यक्ति पक्राउ

भदौ १३, २०७५ बुधबार १७:४१:३२ | शिव ढुंगाना

ओखलढुंगा – खानेपानीको पाइपमा विष हाल्ने सिद्धिचरण नगरपालिका–२ ठूलाछापका सिताराम सार्कीलाई प्रहरीले पक्राउ गरेको छ ।

छरछरे सितलादेवी खानेपानी आयोजनाको पाइपमा विष हालेर उपभोक्ताको हत्या गर्न खोजेको अभियोगमा ३४ वर्षीय सार्कीलाई घरबाटै पक्राउ गरिएको हो ।

स्थानीय उपभोक्ताको उजुरीका आधारमा अनुसन्धान गर्दा खानेपानीको पाइपमा विष हालेको र पाइपबाट व्यक्तिका गोठमा राखिएको प्लाष्टिक ट्यांकीसम्म विष पुगेको पुष्टि भएपछि सार्कीलाई पक्राउ गरिएको जिल्ला प्रहरी कार्यालय ओखलढुंगाका प्रमुख प्रहरी नायव उपरीक्षक अनन्तराम शर्माले बताउनुभयो ।

अनुसन्धानबाट विष हालेको पुष्टि भएको उहाँले जनाउनुभयो ।

आरोपित सार्कीले एकजना छिमेकीले पालेका ब्रोइलर कुखुरा मार्न विष हालेको स्वीकार गरेको प्रहरीको भनाइ छ ।

खानेपानीका उपभोक्ताहरुले भने विष हालेर समुदायका विभिन्न व्यक्तिको ज्यान लिन खोजेकाले ज्यान मार्ने उद्योग अन्र्तगत कारवाही हुनुपर्ने माग गरेका छन् ।
समुदायबाट आउने जाहेरी हेरेर मुद्दा अघि बढाइने प्रहरी नायव उपरिक्षक शर्माले जानकारी दिनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्