हेलिकप्टरबाट मेलम्ची र हेलम्बुकाे अवस्था जे देखियाे (तस्बिरहरू)

साउन १७, २०७८ आइतबार १४:३२:४० | उज्यालो सहकर्मी

सिन्धुपाल्चाेक – सिन्धुपाल्चोकको मेलम्चीमा आएको बाढीले हेलम्बु गाउँपालिका र मेलम्ची नगरपालिकाका गरी १७ घर बगेका छन् । बाढीले रेडियो मेलम्चीको भवन पनि ढलेको छ ।

गएको असार १ गते आएको बाढीले लेदो भरिएका घरहरू हिजाे शनिवार रातिको बाढीले बगाएको हो । बाढीले धार परिवर्तन गरेर तालामाराङ प्रहरी चौकीको भान्छा पनि बगाएको छ ।

अब मेलम्ची बजारदेखि माथि कुनै पुल बाँकी नरहेको हेलम्बु गाउँपालिकाका अध्यक्ष निमा ग्यालजेन शेर्पाले जानकारी दिनुभयो । ‘पहिरोको जोखिम घटने स्थिति छैन । तत्कालका लागि मेलम्ची करिडोरका बासिन्दालाई तत्काल सुरक्षित ठाउँमा सार्नुको विकल्प छैन, भीमथाङबाट लेदोसहितकाे पहिराे बग्ने क्रम जारी छ’ , उहाँले भन्नुभएकाे छ ।

चनौटेको रातो पुल र ग्यालथुममा रहेको झोलुङ्गेपुलसहित नाै वटा पक्की र आठ वटा कच्ची घर बगाएको जिल्ला प्रहरी कार्यालय सिन्धुपाल्चोकका प्रहरी उपरीक्षक राजन अधिकारीले जानकारी दिनुभयो ।

बाढीग्रस्त क्षेत्रको मुहान अवलाेकन गरेर काठमाण्डाै फर्किनुभएका गाउँपालिकाका अध्यक्षले यसबारेमा गृह मन्त्री बालकृष्ण खाँडलाई जानकारी गराइसकेकाे र प्रधानमन्त्री शेरबहादुर देउवालाई पनि भेटेर जानकारी गराउने बताउनुभएकाे छ ।

तस्बिर : हेलम्बु गाउँपालिकाका अध्यक्ष निमा ग्यालजेन शेर्पाकाे फेसबुकबाट

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्