काठमाण्डाै – अफगानिस्तानकाे विद्राेही समूह तालिबानले बगराम एअर बेस (हवाई आधार) र जेल नियन्त्रणमा लिएकाे दाबी गरेकाे छ । याे राजधानी काबुलकाे बाहिरी क्षेत्र हाे ।  

बगराम हवाई आधार गएकाे महिनासम्म अल–कायदा र तालिबानकाे विरुद्ध लडाइँकाे केन्द्र थियाे । अमेरिकाले अफगानिस्तानमा आफ्नाे २० वर्षसम्म चलेकाे युद्ध यहीँबाट सञ्चालन गरेकाे हाे । 
गएकाे महिना अमेरिकी सैनिक रातारात याे हवाई आधार छाेडेर गएका थिए ।

सन् २००१ डिसेम्बरमा अमेरिकाकाे नेतृत्वमा नेटाे सैनिक काबुल पुगेकाे थियाे । बगराम एक विशाल हवाई आधारका रूपमा विकसित गरिएकाे थियाे जहाँ एक पटकमा १० हजारसम्म सैनिक रहन सक्दथे । 
जर्ज डब्ल्यू बुश, बराक ओबामा र डाेनाल्ड ट्रम्पले आआफ्नाे कार्यकालमा राष्ट्रपति रहँदा बगराम हवाई आधारकाे भ्रमण गरेका थिए ।   

बगराम हवाई आधारमा बनेकाे अमेरिकी जेल कैदीहरूसँग गरिने दुर्व्यवहारका लागि कुख्यात भएकाे थियाे । यसकाे तुलनामा क्युबामा अमेरिकी सेनाकाे जेल ग्वान्टेनामाेसँग गरिन्थ्याे । 

याे जेल अमेरिकाले बनाएकाे थियाे तर सन् २०१३ मा अफगानिस्तानलाई हस्तान्तरण गरिएकाे थियाे । 

तालिबान लडाकुहरू अफगानिस्तानको राजधानी काबुलमा प्रवेश गरेका बीबीसीले जनाएको छ । काबुलबाहेकका सबै मुख्य सहर नियन्त्रणमा लिएका तालिबान लडाकुहरू काबुलको चारैतिरबाट प्रवेश गरेका हुन् ।