‘सहकारीले १८ प्रतिशतसम्म ब्याज लिएर उठीबास लगाएको सुनेको छु, सुधार्नु होला’

साउन ३२, २०७८ सोमबार १५:१५:४३ | उज्यालो सहकर्मी

काठमाण्डाै – अर्थ मन्त्री जनार्दन शर्माले लगानीको ६० प्रतिशत हिस्सा उत्पादनको क्षेत्रमा लगाउन बचत तथा ऋण सहकारीहरूलाई आग्रह गर्नुभएको छ । नेपाल बचत तथा ऋण केन्द्रीय सहकारी सङ्घ लिमिटेड (नेफ्स्कुन) को ३४ औँ स्थापना दिवसमा उद्घाटन मन्तव्य दिनु हुँदै मन्त्री शर्माले यस्तो बताउनुभएको हो ।

बचत तथा ऋण सहकारीहरूले घर जग्गा वा अन्य यस्तै अनुत्पादक क्षेत्रमा लगानी गरिरहेको आफूले सुनेको भन्दै उहाँले सोध्नुभयो, ‘तपाईँहरूको लगानी केमा केन्द्रित छ ? घर जग्गा वा गाडी खरिदमा हो भने त्यसको कुनै अर्थ छैन ।’ उपभोगमुखी अर्थतन्त्रलाई उत्पादनमुखी अर्थतन्त्रमा बदल्ने योजना आफूले बनाएको भन्दै मन्त्री शर्माले त्यसमा सहयोग गर्न सहकारीहरूलाई आग्रह गर्नुभयो ।

‘तपाईँहरूका कुनै समस्या छन् र मैले निर्णय गरेर हुन्छ भने त्यसका लागि म तयार छु’, मन्त्री शर्माले भन्नुभयो, ‘तपाईँहरूले पनि उत्पादनको क्षेत्रमा लगानी बढाउनुस् । कम्तीमा लगानीको ६० प्रतिशत हिस्सा उत्पादनमा लगाउनुस् । गरिबी निवारणमा सहयोग गर्नुस् ।’

सहकारीहरूले गरिब नागरिकले लिएको ऋणमा १८ प्रतिशतसम्म ब्याज लिने गरेको सुन्नमा आएको भन्दै उहाँले त्यसलाई घटाउनुपर्ने बताउनुभयो । कतिपय सहकारीहरूले नागरिककाे पैसा ठगेर उठीबास लगाएका घटना देखिएको भन्दै मन्त्री शर्माले त्यसतर्फ ध्यान दिन नेफ्स्कुनलाई आग्रह गर्नुभयो । उहाँले सहकारीका संस्थापकहरूले नै नागरिककाे सम्पत्ति हिनामिना गर्ने क्रमलाई रोक्न नेफ्स्कुनले भूमिका खेल्ने विश्वास व्यक्त गर्नुभयो ।

अहिलेसम्म स्थिरिकरण कोष खडा नभएकोप्रति असन्तुष्टि व्यक्त गर्दै मन्त्री शर्माले एक महिनाभित्र खडा गरेर आफूलाई जानकारी गराउन आग्रह गर्नुभयो ।

नेपाल बचत तथा ऋण केन्द्रीय सहकारी सङ्घमा चार हजार प्रारम्भिक संस्था तथा प्रदेश र जिल्ला बचत सङ्घमार्फत सात हजारभन्दा बढी बचत तथा ऋण सहकारी संस्था आबद्ध रहेका छन् । देशका ७६ जिल्लामा पहुँच रहेको सहकारीमा ३४ लाख व्यक्तिगत सदस्य आबद्ध रहेका नेफ्स्कुनले जनाएको छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

raju kc
Aug. 20, 2021, 3:12 p.m.
ठीक हो , तर मलाई त लुम्बिनी बिकाश बैंकले १६.९७ लगाएको छ के गर्ने ?? मसंग भुक्तानी तालिका नै छ /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘सहकारीले १८ प्रतिशतसम्म ब्याज लिएर उठीबास लगाएको सुनेको छु, सुधार्नु होला’

फाइल फाेटाे

1 Comments

raju kc

तपाईको प्रतिक्रिया

तपाईको प्रतिक्रिया