सरकार ‘खर्च गर्न नपाउने’ अवस्थामा, समस्या नहुने अर्थ मन्त्रीको भनाइ

भदौ २९, २०७८ मंगलबार १६:१८:३० | उज्यालो सहकर्मी

काठमाण्डाै – संसदमा पेस भएकाे गरेको प्रतिस्थापन विधेयक पारित नभएपछि सरकार खर्च गर्न नसक्ने अवस्थामा पुगेको छ । कानुनअनुसार भोलि बुधवारसम्म सरकारले प्रतिस्थापन विधेयक पास गर्नुपर्नेमा संसद् असोज ४ गतेसम्मका लागि स्थगित भएपछि सरकारलाई खर्च गर्ने बाटो बन्द भएको हो ।

सरकारले संसद् विघटन गरेपछि गएको जेठ १५ गते तत्कालीन अर्थ मन्त्री विष्णु पौडेलले अध्यादेशमार्फत बजेट ल्याउनुभएको थियो, संसद् चलेको ६० दिनभित्र अध्यादेश पारित गर्नुपर्नेमा अर्थ मन्त्री जनार्दन शर्माले यही भदौको २५ गते प्रतिस्थापन विधेयक पेस गर्नुभएको थियो ।

विधेयक आज पास गर्नुपर्नेमा एमालेका सांसदले नाराबाजी गरेपछि संसद् बैठक नै असोज ४ गतेसम्मका लागि स्थगित भएको छ । अब सरकार कानुनी हिसाबले खर्च गर्न नपाउने स्थितिमा पुगेको छ ।

यसैबीच अर्थ मन्त्री जनार्दन शर्माले प्रतिस्थापन विधेयक पारित नहुँदा पाँच/सात दिन सरकारी खर्च रोकिन सक्ने बताउनुभएको छ । अर्थ मन्त्री शर्माले केही दिन सरकारी खर्च रोकिन सक्ने र यसले खासै फरक नपर्ने बताउनुभएको हो ।

आफूले ल्याएको प्रतिस्थापन विधेयक संसदमा विचाराधीन रहेको बताउँदै अर्थ मन्त्री शर्माले पेस्की बजेट पनि नल्याउने र अध्यादेशबाट पनि नभइ नियमित प्रक्रियाबाटै यसलाई पारित गरिने बताउनुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्