अफगानिस्तानमा मानव अधिकार उलंघनबारे छानबिन गर्न संयुक्त राष्ट्रसंघ समक्ष माग

भदौ ३०, २०७८ बुधबार ७:२२:३३ | उज्यालो सहकर्मी

काठमाण्डाै – अफगानिस्तानको विघटित सरकारका राजदूतले तालिबान समूहबाट भएको मानव अधिकार उल्लङ्घनबारे छानबिन गर्न संयुक्त राष्ट्रसंघको मानव अधिकार परिषद् समक्ष आग्रह गर्नुभएको छ ।

विघटित सरकारले राष्ट्रसंघका लागि नियुक्त गरेको अफगानिस्तानका स्थायी प्रतिनिधि नाशिर अहमद अन्दिशाले तालिबान समूहबाट भएको मानव अधिकार हनन र दुर्व्यवहारको तुरुन्त छानविन गर्न आग्रह गर्नुभएको अन्तर्राष्ट्रिय सञ्चारमाध्यमले जनाएका छन् ।

गएको महिना तालिबानी समूहले अफगानिस्तानको राजधानी काबुल कब्जा गरेको थियो । राजदूत अन्दिशाले जेनेभामा भएको राष्ट्रसंघको कार्यक्रममा तालिबान समूहबाट विशेष गरी महिला तथा बालिकाहरूमाथि दुर्व्यवहार भएको भन्दै ध्यानाकर्षण गराउनुभएको छ । यस्तै उहाँले पञ्जशिर उपत्यकामा पनि राष्ट्रसंघको टोली पुग्नुपर्नेमा जोड दिनुभएको छ ।

अफगानिस्तानमा तालिबान सरकार गठन भए पनि राजदूत अन्दिशालाई स्वदेश फिर्ता बोलाइएको छैन ।

यसअघि संयुक्त राष्ट्रसंघका अधिकार प्रमुख मिचेल बाचेलेट र युरोपेली युनियनले पनि राष्ट्रसंघको मानव अधिकार परिषद्लाई अफगानिस्तानमा भएको मानव अधिकार हनन्का घटनालाई लिपिवद्ध गर्न उच्च संयन्त्र बनाउन माग गर्नुभएको थियो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्