प्रतिबन्ध लगाएर दबाब नदिन अमेरिका र युरोपेली देशलाई तालिबान सरकारको चेतावनी

असोज २७, २०७८ बुधबार १६:२८:४९ | एजेन्सी

काठमाण्डाै – अफगानिस्तानको नयाँ तालिबान सरकारले प्रतिबन्धको माध्यमबाट दबाब नदिन अमेरिका र युरोपेली देशलाई चेतावनी दिएको छ ।

कतारको दोहामा अमेरिका र युरोपेली देशका राजदूतहरूसँग अफगानिस्तानका कार्यवाहक विदेश मन्त्री अमीर खान मुत्ताकीले तालिबान सरकारलाई कमजोर पार्नु कसैको हितमा नरहेको भन्दै अफगानिस्तानमा दिइने दबाबले विश्वका कैयौँ देशलाई प्रत्यक्ष असर पार्ने चेतावनी दिनुभएको समाचार संस्था एएफपीले जनाएको छ ।

विभिन्न बहानामा अफगानिस्तानलाई दिइने दबाबले सुरक्षालाई कमजोर बनाउने र शरर्णाथीको अवस्था झनै दयनीय हुने तालिबानले जनाएको छ । कार्यवाहक विदेश मन्त्री मुत्ताकीले प्रतिबन्धहरू अन्त्य गर्न र बैंकहरूलाई सामान्य रूपमा सञ्चालन गर्न विभिन्न देशसँग आग्रह पनि गर्नुभएको छ ।

बैंकका रकम फुकुवा नगरिदिँदा परोपकारी संस्थाले सहायता वितरण गर्न नपाएको, सरकारले कर्मचारीहरूलाई तलब दिन नसक्ने अवस्था रहेको लगायतका समस्या देखिएको तालिबान सरकारको भनाइ छ ।

अमेरिका र युरोपेली देशले भने आफूहरू तालिबान सरकारलाई प्रत्यक्ष सहयोग गर्न तयार रहेको तर त्यसका लागि महिला तथा बालिकाको अधिकार र समग्र मानव अधिकारको 'ग्यारेन्टी' हुनुपर्ने बताएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रतिबन्ध लगाएर दबाब नदिन अमेरिका र युरोपेली देशलाई तालिबान सरकारको चेतावनी

फाइल फाेटाे

तपाईको प्रतिक्रिया