कृषि फार्मको माछा पोखरीमा 'विष', माछा मरे

असोज २८, २०७८ बिहीबार २०:२८:१७ | रासस

झापा – झापाको कचनकवल गाउँपालिका ३ मा रहेकाे एक माछा पोखरीमा नचिनेकाे मानिसकाे समूहले विष हालेपछि माछा मर्न थालेका छन् । यहाँ रहेकाे सक्षम युवा कृषि फार्मको माछा पोखरीमा नचिनेकाे मानिसकाे समूहले विष हालेपछि माछा मर्न थालेको कृषि फार्मका सञ्चालक बुद्धिप्रसाद गौतमले जानकारी दिनुभयो ।

‘चार दिनयता माछा मरिरहेका छन्’, गौतमले भन्नुभयो, ‘कुखुराको आन्द्राभुँडीमा विष हालेर पोखरीमा हालिएको भेटियो, मरेका माछाले कुखुराको भुँडी खाएको भेटियो ।’ गएकाे सोमवारदेखि माछा मर्न थालेको उहाँको भनाइ छ । झन्डै आधा किलो तौल भएको माछा उहाँले केही दिन अघिदेखि मात्र बिक्री गर्न थाल्नुभएको थियो । ‘सोमवार आठ/दश वटा माछा मरेको भेट्यौँ’, उहाँले भन्नुभयो, ‘त्यसको भोलिपल्ट मङ्गलवार ५० वटा जति, बुधवार एक क्विन्टल र आज दुई क्विन्टल जति मरेका माछा पोखरीबाट निकाल्यौँ ।’

पोखरीमा १० हजार माछाको भुरा हालेको उहाँको भनाइ छ । पोखरीमा हालिएको विषका कारण झन्डै १० क्विन्टल माछा मर्ने र त्यसबाट तीन लाख रुपैयाँभन्दा बढी घाटा हुने उहाँले बताउनुभयो । पोखरीमा कसले विष हाल्यो भन्ने यकिन नभएको उहाँले बताउनुभयो । मरेका माछा प्रहरीको सल्लाहमा आफूले खाल्डो खनेर पुरेको उहाँले जानकारी दिनुभयाे ।

सक्षम युवा कृषि फार्म दर्ता गरेर विसं २०७२ सालदेखि चार बिघा १५ कठ्ठा क्षेत्रफलमा माछा, बाख्रा र राँगा पालन गर्दै आएको सञ्चालक गौतमले बताउनुभयो ।

पोखरीमा विष हालिएको विषयमा उहाँले प्रहरी चौकी पथरियामा समेत निवेदन दिनुभएको छ । निवेदनपछि आफूहरूले घटनास्थलको निरीक्षण गरेको प्रहरी चौकीका प्रमुख प्रहरी सहायक निरीक्षक (असई) सुरेशकुमार शेर्माले बताउनुभयो । ‘माछा मरेको छ’, उहाँले भन्नुभयो, ‘अनुसन्धान गर्दैछौँ ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कृषि फार्मको माछा पोखरीमा 'विष', माछा मरे

प्रतिकात्मक तस्बिर

तपाईको प्रतिक्रिया