नेप्सेमा उच्च गिरावट राेकिएन, आज ७७ अङ्कले घट्यो

कात्तिक २, २०७८ मंगलबार १५:१८:५९ | उज्यालो सहकर्मी

काठमाण्डाै – शेयर बजार परिसूचक नेप्से आज मङ्गलवार पनि उच्च अङ्कले घटेको छ । हिजो झन्डै ७० अङ्कले घटेको नेप्से आज ७७ दशमलव ३३ अङ्कले घटेर दुई हजार पाँच सय १० दशमलव ७३ विन्दुमा झरेको छ ।

आज केहीबेर नेप्से एक सय अङ्कभन्दा धेरैले घटेर २५ सय विन्दुभन्दा तल झरे पनि बन्द हुने बेलामा २५ सय विन्दुभन्दा माथि पुगेर रोकिएको हो ।

आज सबै समूहको शेयर घटेकोमा जलविद्युत्, विकास बैंक, बीमा, उत्पादन र माइक्रोफाइनान्स समूहको शेयर उच्च अङ्कले घटेको छ ।

आज दुई सय २१ कम्पनीको शेयर कारोबार भएकोमा दुई सय ११ वटा कम्पनीको शेयर घटेको छ । नेपाल हाइड्रो डेभलपर्स र नेशनल हाइड्रोपावर कम्पनीको शेयर नौ प्रतिशतभन्दा धेरैले घटेको छ । समग्र बजार राताम्मे भए पनि माहुली सामुदायिक र मानुषी लघुवित्त कम्पनीको शेयर चार प्रतिशतभन्दा धेरैले बढेको छ ।

आज ९५ लाख ७२ हजार कित्ता शेयर तीन अर्ब ७७ करोड रुपैयाँमा कारोबार भएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्