‘भूत’लाई हानेको खुकुरी श्रीमतीको टाउकोमा परेपछि...

भदौ १९, २०७५ मंगलबार १६:०:५ | शिव ढुंगाना

ओखलढुंगा– खिजीदेम्वा गाउँपालिका वडा नं. ८ भूसिंगामा एक व्यक्तिले भूत भनेर हानेको खुकुरी श्रीमतीको टाउकोमा परेको छ ।

३८ वर्षीय हितबहादुर विकले सोमबार मध्य रातमा भूतले तर्साएकाे भन्दै उठेर खुकुरी हान्दा आफ्नै श्रीमतीलाई लागेको छ ।

तर्सिएर उठेपछि भूतको छाँया जस्तो लागेर सिरानीको खुकुरी प्रहार गर्दा हितबहादुरकी श्रीमती गीतामाया विश्वकर्मालाई लागेको हो । खुकुरी प्रहारबाट गिताको टाउको, ढाड र पाखुरामा गहिरो चोट लागेर गम्भीर घाइते भएकी छन् । घाइतेको हेलिकोप्टरबाट उद्धार गरेर उपचारका लागि काठमाडौं पठाइएको जिल्ला प्रहरी कार्यालय ओखलढुंगाका प्रहरी नायव उपरीक्षक अनन्तराम शर्माले बताउनुभयो ।

उहाँले हितबहादुर काम्दै भूत भनेर खुकुरी प्रहार गर्दा श्रीमतीलाई लागेको प्रभारम्भिक सूचना आएको जनाउनुभयो । हितबहादुरलाई प्रहरीले नियन्त्रणमा लिएर अनुसन्धान गरिरहेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्