प्रधानमन्त्री देउवा बाढी पहिरो प्रभावित क्षेत्रकाे अवलाेकन गर्न प्रदेश-१ जाँदै

कात्तिक ७, २०७८ आइतबार ८:३१:४ | उज्यालो सहकर्मी

काठमाण्डाै - प्रधानमन्त्री शेरबहादुर देउवा बाढी पहिरो तथा डुबानको अवस्था बुझ्न प्रदेश नम्बर १ जाँदै हुनुहुन्छ ।

उहाँले बाढी पहिरोग्रस्त सुनसरी, इलाम र पाँचथरको स्थलगत अवलोकन गरी सम्बन्धित जिल्लाका प्रमुख जिल्ला अधिकारी लगायत उच्च प्रशासनिक तथा सुरक्षा पदाधिकारीहरुमार्फत क्षतिको जानकारी लिने र प्रभावितहरुलाई भेट्ने कार्यक्रम छ ।

प्रधानमन्त्री देउवा हेलिकप्टरमार्फत सुनसरीको पकलीमा रहेको सशस्त्र प्रहरी बल मुख्यालय बराह वाहिनी पुग्ने पकलीमा सुनसरी जिल्लामा भएको क्षति तथा नोक्सानीको प्रमुख जिल्ला अधिकारी इन्द्रदेव यादव लगायतका पदाधिकारीहरुबाट बिफ्रिङ लिने कार्यक्रम रहेको छ ।

त्यसपछि इलाम र पाँचथर जिल्लामा पहिरोग्रस्त क्षेत्रको हवाई अवलोकन गरी राँके बजारमा प्रशासनिक तथा सुरक्षा पदाधिकारीमार्फत पहिरोग्रस्त क्षेत्रको जानकारी लिने साथै प्रभावितलाई भेट्ने कार्यक्रम रहेको छ । यसैबीच प्रधानमन्त्री देउवा इलाम र पाँचथरको सीमाना राँके बजार आएर बाढी पीडितलाई सम्बोधन गर्नु हुने भएको छ ।

इलामका प्रमुख जिल्ला अधिकारी बहादुर खड्काका अनुसार प्रधानमन्त्री देउवाले इलामको फाकफोकथुम, माङसेबुङ र चुलाचुली गाउँपालिकाका तथा पाँचथरको मिक्लाजुङ गाउँपालिकाको अवलोकन गर्ने कार्यक्रम तय भएको छ। बाढी पहिरोका कारण पाचँथरमा ३० जना र इलाममा १४ जनाको ज्यान गएको पुष्टि भएको छ ।

प्रधानमन्त्री देउवा बाढीपहिरो तथा डुबान क्षेत्रको अवलोकन गरेर आजै काठमाण्डौ फर्किनु हुनेछ । यसअघि प्रधानमन्त्री देउवा बाढी प्रभावित क्षेत्रकाे स्थलगत अवलाेकन गर्न सुदूरपश्चिम प्रदेश जानु भएकाे थियाे ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री देउवा बाढी पहिरो प्रभावित क्षेत्रकाे अवलाेकन गर्न प्रदेश-१ जाँदै

फाइल तस्बिर

तपाईको प्रतिक्रिया