अफगानिस्तानमा अझै चार सयभन्दा धेरै अमेरिकी सैनिक छन् : पेन्टागन

कात्तिक १०, २०७८ बुधबार २०:१४:३४ | एजेन्सी

काठमाण्डाै – अफगानिस्तानमा अझै पनि सयाैँकाे सङ्ख्यामा अमेरिकी सैनिक रहेको तथ्य सार्वजनिक भएको छ ।

अमेरिकी रक्षा मन्त्रालय पेन्टागनले अरू सबै अमेरिकी सैनिकहरूलाई फिर्ता गरिए पनि चार सय ३९ जना अफगानिस्तानमै रहेको जनाएको हो ।

अमेरिकाको नेतृत्वमा गएको सैनिक गठबन्धनका धेरैजसाे सैनिकहरू तालिबान विद्रोहीहरूले सत्ता कब्जा गरेपछि अफगानिस्तान छाडेर फिर्ता भएका थिए ।

सिनेटमा भएको एउटा सुनुवाइका क्रममा रक्षा मन्त्रालयका अधिकारीले अफगानिस्तानमा चार सय ३९ जना अमेरिकी सैनिक अझै पनि अफगानिस्तानमै रहेको जानकारी दिनुभएकाे हाे ।

उहाँले अफगनिस्तानमा रहेका सबै अमेरिकी सैनिक आफूहरूको निरन्तर सम्पर्कमा रहेको पनि स्पष्ट पार्नुभएकाे छ ।

मन्त्रालयका उपसचिव कोलिन काह्लले अफगानिस्तानमा रहेका अमेरिकी सैनिकमध्ये एक सय ७६ जना अफगानिस्तान छाड्न तयार रहेको जानकारी दिनुभयो ।

तर दुई सय ४३ जना भने अफगानिस्तान छाड्ने कि नछाड्ने भन्नेबारेमा अन्याेलमा रहेको पनि उपसचिव काह्लले बताउनुभयो ।

अफगानिस्तानमा रहेको सैनिक टोलीले घोषित रूपमा गएकाे अगस्ट ३१ मा अफगानिस्तान छाड्न सुरु गरेको थियो ।

तालिवान लडाकुहरूले सत्ता कब्जा गरेपछि गठबन्धन सैनिकले अफगानिस्तान छोड्ने निर्णय गरेको थियो । गठबन्धन सेनाले झन्डै २० वर्ष सेवा गर्दा पनि सफलता प्राप्त गर्न भने सकेन । अफगानिस्तानको युद्ध अमेरिकाले अन्य देशमा गरेका युद्धमध्ये सबैभन्दा लामो युद्ध हो ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अफगानिस्तानमा अझै चार सयभन्दा धेरै अमेरिकी सैनिक छन् : पेन्टागन

फाइल फाेटाे

तपाईको प्रतिक्रिया